ನನ್ನ ಉಸಿರ ಒಂದು ನೆನಪು ನಿನ್ನಲಿಲ್ಲವೇ

ಕಾಡಿಬೇಡಿ ಚಿಗುರಫಲಿತ  ಪ್ರೀತಿಯಿಲ್ಲವೇ

ಹಸುರ ಕಂಡು ಮರುಗೋ ಮನಸು ಇಲ್ಲವೋ

ಎಲ್ಲ ಹರಿವ ನೀರ  ಹಾಗೆ ತೇಲಿ ಹೋಯಿತೇ ..

 

 

 

.....ಮಾಲಿನಿ ಭಟ್..........

 

ನೀ  ಕಂಡ ದಿನವೇ ಹಸನಾಗಿದೆ

ಎದೆಯೆಲ್ಲ ಸಡಿಲಾಗಿದೆ

ಕನಸೆಲ್ಲ ಕೈ ಗೂಡಿದೆ

ಹೃದಯವೇ ಮಾತಾಡಿದೆ

ಜೊತೆಗಿರು ಜೀವವೇ

ಉಸಿರಿರೋವರೆಗೂ .....

 

 

......ಮಾಲಿನಿ ಭಟ್.........

ಅನಂತ ಅಂತರದಲಿ

ದೀಪದ ತುಣುಕೊಂದು

ಅಕ್ಷರಶಃ ಮೌನವಾಗಿದ್ದು

ನಿನ್ನಂತರಂಗವ ನೋಡಿದ ಮೇಲೆ

 

 

....ಮಾಲಿನಿ ಭಟ್....

ಆ ದಿನ ನಿನ್ನ ಮನಸೊಳಗೆ ನಾನಿರಲಿಲ್ಲ

ಪರಿತಪಿಸಿದೆ ನಿನ್ನ ಮನಸಿಗಾಗಿ

ಈ ದಿನ ನಿನ್ನ ಮನಸಲ್ಲಿ ನಾನಿರುವೆ

ನನ್ನ ಮನಸು ನಿನ್ನ ಬಿಟ್ಟು ಬಹುದೂರ ಸಾಗಿದೆ ..

 

......ಮಾಲಿನಿ ಭಟ್ ..........

ನೀನಿರುವೆ ನನ್ನ ಜೊತೆ

 

ಕಂಬನಿ ಅಳಲ ಮರೆಸಿದೆ

 

ನಾನಿರುವೆ ನಿನ್ನ ಜೊತೆ

 

ಹೃದಯ ಆತ್ಮ ಬೆರೆಯೋವರೆಗೆ

 

 

 

.......ಮಾಲಿನಿ ಭಟ್.........

ಹೊಸತನ ಬಯಸಿದೆ ಮನದ ತುಂಬಾ

ಹೃದಯ ಭಾರಗೊಂಡಿದೆ ನೋವು ತುಂಬಿ

ಅಳಿಸಬೇಕು ಎಲ್ಲವನು ದೃಢತೆ ತುಂಬಿ

ಹೊಸ ಕನಸ ಬಿತ್ತಿ ನಲಿವು ತುಂಬಿ

 

 

....ಮಾಲಿನಿ ಭಟ್

ಈ ಸಂಜೆ ಬಾನಲ್ಲಿ ಮೋಡವು ಸೆರಗನ್ನು ಚಾಚಿತ್ತು

ನೀರನು ತುಂಬಿದ ಮೋಡವು ಸೆರಗನ್ನು ಚಾಚಿತ್ತು

ಮರೆಯಾದ ರವಿಯು ಮೋಡಕ್ಕೆ ಹೆದರಿ

ಅವಿತು ಹೋದನು ಸಾಗರದ ತಳದಲಿ

 

ಕೈ ಚಾಚುತಿರುವೇನು ಗಗನಕೆ

ಮುಳುಗುವ ಜೀವನದ ಭಿಕ್ಷೆಗೆ 

ಭೂಮಿ , ನೀರು , ಎಲ್ಲ ಮಲಿನಗೊಂಡಿದೆ 

ನಿನ್ನಲ್ಲಿ ಆಶ್ರಯ ಬೇಡಿ ಬಂದಿಹೆನು ...

 

 

...ಮಾಲಿನಿ ಭಟ್...... 

 

ಬೀಜ ಮೊಳೆತಿದೆ,

ಚಿಗುರು ಬೆಳಕ ಕಂಡಿದೆ

ಮಣ್ಣ ಒಡೆದು ಮೆಲ್ಲ ಬಂದಿದೆ ,

ಜಗವ ನೋಡೋ ಕಾತರದಿ ....

 

ಗುರುದೇವ

 

ಮಗುವಿನ ಮುಗ್ಧತೆ ಮಂಟಪದಲ್ಲಿ,

ಅಕ್ಷರ ಜ್ಞಾನದ ಬೆಳಕನು ತುಂಬಿಸಿ ,

ಪ್ರತಿಭೆಯ ಹುಡುಕಿ ದೇಶಕೆ ನೀಡುವ ,

ರಾಷ್ಟ್ರದ ಏಳ್ಗೆಗೆ ಕಾರಣ ನೀನು ..

                ನಮ್ಮಯ ಪ್ರೀತಿಯ ಗುರುಗಳು  ನೀವು ...

ಕಣ್ಣು ಹೇಳುವ ನೂರು ಮಾತು

ನಿನ್ನ ಅಂತರಂಗ ತಲುಪಿಯೂ

ಮೌನದ ಸಂದೇಶ ನೀಡಿದೆ

ನಾ ಅರಿಯುದಾದರು ಏನನ್ನು ..

 

....ಮಾಲಿನಿ ಭಟ್..........

ಬೆರಳುಗಳ ಸಂದಿಯಲಿ ಗೋಚರಿಸಿದ

ಕಿರಿದಾದ ಹೊಸ ಪ್ರಪಂಚ

ಜೀವನವು ಸೋರಿ ಹೋಗೋ ಸಂಬಂಧವು

ಇರುವುದರಲ್ಲಿಯೇ ಹೊಸತನ ಹುಡುಕಬೇಕು ..

 

 

.........ಮಾಲಿನಿ ಭಟ್ ......

 

ಕಾರಣವ ಹೇಳಿ ಹೋಗು

 

 

ಕಾರಣವ ಹೇಳದೆ ದೂರಾದೆ ಗೆಳಯ

ಕಾರಣವ ಹೇಳಿಯೇ ಹೋಗು

ನಿನಗಾಗಿ ಕಟ್ಟಿದೆ ನನ್ನ ಮನಸಲಿ ಅರಮನೆಯನ್ನು

ಒಮ್ಮೆ ಬಂದು ನೋಡು ಸೌಧವು ಖಾಲಿಯಾಗಿದೆ

 

ನಾನಿಟ್ಟ ಹೆಜ್ಜೆಯ ಗುರುತಿನ್ನು ಮಾಸಿಲ್ಲ

ಸಾಗರಕೂ ನಮ್ಮ ನೋಡಿ ಪ್ರೀತಿ

ನಿನಗೇಕೆ ನನ್ನ ಮೇಲೆ ಈ ಪರಿಯ ಕೋಪ

ಒಮ್ಮೆ ಬಂದು ನೋಡು ನೀನಿಲ್ಲದೆ ಸೊರಗಿರುವುದನ್ನು

 

ಮರಗಳಿಂದು ಮರೆತಿಲ್ಲ ನಾವಾಡಿದ ಮಾತನು

ಗಾಳಿಗೂ ನಮ್ಮ ಮೇಲೆ ಅನುರಾಗವು

ನಿನ್ನ ಮನಸಿಗೆ ನಾನಿಂದು ದೂರದ ತಾರೆ

ಒಮ್ಮೆ ಬಂದು ನೋಡು ನನ್ನ ಕಣ್ಣುಗಳು ನಿನಗಾಗಿ ಕಾದಿದೆ

 

ಇಂಚರವು  ಆಲಿಸಿದೆ ನಾವು ಗುನುಗಿದ ಹಾಡನು

ಮೋಡಗಳು ಹನಿ ಹನಿ ಮಳೆಬಿಂದು ಚಿಮುಕಿಸಿದೆ

ನೀ ಮಾತ್ರ ಹೇಳದೆ ನನ್ನ ಆಗಲಿದೆ

ಒಮ್ಮೆ ಬಂದು ನೋಡು ನನ್ನ ಹೃದಯ ನಿನಗಾಗಿ ಕಾದಿದೆ 

 

 

......Malini Bhat..........

 

 

ಹೀಗಿರಬೇಕು ನನ್ನ ಇನಿಯ

ಹೀಗಿರಬೇಕು ನನ್ನ ಇನಿಯ
ಕನಸುಗಳಿಂದ ಎದ್ದ ರಾಜಕುಮರ
ಮನಸುಗಳ ಮಧುರ ಅಕ್ಷಯಪಾತ್ರೆ
ಪ್ರೀತಿಗಾಗಿಯೇ ಜನಿಸಿಬಂದವ

ನಾ ಹೆಜ್ಜೆ ಇತ್ತ ಕಡೆ ನನ್ನವನ ಹೆಜ್ಜೆಯಿರಬೇಕು
ಕನಸಿಗೆ ಉಸಿರನ್ನ ನೀಡಬೇಕು
ದುಃಖಕ್ಕೆ ಹೆಗಲಾಗಬೇಕು
ಪ್ರೀತಿಗೆ ನನ್ನವನೇ ಆದರ್ಶವಾಗಬೇಕು

ಕಾಲದ ಪರೀಕ್ಷೆಗೆ ಎದೆಗುಂದಬಾರದು
ಕಣ್ಣಿನ ನೋಟದಲಿ ತಪ್ಪು ಇಣುಕಬಾರದು
ಮನದ ಮೂಲೆಯಲಿ ಸಂಶಯ ಸುಳಿಯಬಾರದು
ಅವನು ನನ್ನವನು ನನ್ನ ಪ್ರೀತಿಯ ಇನಿಯ

ಗುರು ಹಿರಿಯರ ಗೌರವಿಸಬೇಕು
ಬಡವರಿಗೆ ಸಹಕರಿಸಬೇಕು
ಮನೆಗೆ ಅಡಿಗಲ್ಲಾಗಬೇಕು
ತಂದೆ ತಾಯಿಯ ಮುದ್ದಿನ ಮಗನಾಗಬೇಕು

ದುಸ್ಟ ಚಟಗಳಿಗೆ ಸೋಕಬಾರದು
ಕಷ್ಟ ಸುಖದಲ್ಲಿ ಜೊತೆನಿಲ್ಲಬೇಕು
ಬಣ್ಣ ಹೇಗಿರಲಿ ಮನಸು ಸುಂದರವಾಗಿರಲಿ
ಅವನು ನನ್ನವನಾಗಬೇಕು

....ಮಾಲಿನಿ ಭಟ್ ....

ಎಚ್ಚರದಿ ಕಾಲಿಡು

ಬುದ್ಧಿ ಬರೋ ಮೊದಲು ಅಂಧನಾಗಬೇಡ
ಅಂಧನಾಗಿ ಜೀವನವ ಕಳೆದುಕೊಳ್ಳಬೇಡ
ತಿಳುವಳಿಕೆ ನಿನ್ನದೇ ಪರಿಶ್ರಮವು ನಿನ್ನದೇ
ನಿನ್ನ ಬದುಕ ನೀ ರೂಪಿಸಿಕೋ

ಸ್ಫೂರ್ತಿ ನೀ

 

ಕಣ್ಣಿನ ವಿಹಾರದಲಿ , ಮನಸಿನ ಬಣ್ಣವಿದೆ

ಮನಸಿನ ಬಣ್ಣದಲಿ ಹೃದಯದ ಪಲ್ಲವಿಯಿದೆ

ಹೃದಯದ ಪಲ್ಲವಿಯಲಿ ಚಿಂತನೆಯ ಬೆಳಕಿದೆ

ಚಿಂತನೆಯ ಬೆಳಕಲ್ಲಿ ನಿನ್ನ ಸ್ಪೂರ್ತಿಯ ಹನಿಯಿದೆ

 

   ....ಮಾಲಿನಿ ಭಟ್ ............

ರಕ್ಷಾ ಬಂಧನ

ಜೊತೆಯಲ್ಲಿ ಯಾರಿಲ್ಲ ಎಂದು ಅಂಜಿಲ್ಲ ನಾನು

ನನಗಾಗಿ ನೀನಿರುವೆ ಅಣ್ಣ ...

ರಕ್ಷಣೆಗಾಗಿ ನಿಂತಿರುವೆ ನೀ

ಪ್ರೀತಿಯಿಂದ ಸಲಹುವ ನನ್ನ ಪ್ರೀತಿಯ ಅಣ್ಣ

ಮನಸಲ್ಲಿ ನಿನಗಾಗಿ ಸುಂದರ ಕನಸಿದೆ

ನಾವಿಬ್ಬರು ಬೆಳೆದ ಅಳಿಸದ ಗುರುತಿದೆ

ಹಂಚಿಕೊಂಡ ಸುಖ ದುಃಖದ ಪಾಠವಿದೆ

ಸದಾ ನನಗಾಗಿ ಕನಸ ನೇಯ್ದ ನನ್ನ ಪ್ರೀತಿಯ ಅಣ್ಣ

ನಾ ಕಟ್ಟಿಲ್ಲ ನಿನಗೆ ಯಾವ ರಕ್ಷಣೆಯ ಹೊಣೆ

ನಿನ್ನಲ್ಲಿ ಪ್ರೀತಿ  ಇಲ್ಲವೆಂದಲ್ಲ , ತೋರಿಸಲಾಗದು

ಒಂದು ದಾರದಿಂದ ಬಂಧವನ್ನು ಹೇಳಲಾಗದು

ನಿನಗಾಗಿ ಏನನ್ನು ಕೊಡಲಿ ನನ್ನ ಪ್ರೀತಿಯ ಅಣ್ಣ

ನೀನರಿತಿರುವೆ ಎಲ್ಲವನು , ಮೌನವಾಗಿ

ನಿನ್ನ ಜೊತೆ ನಿಲ್ಲುವೆ ನಿನ್ನ ಪ್ರೀತಿಯ ತಂಗಿಯಾಗಿ

ನೀ  ಮರೆಯಲಾರೆ ಎಂದಿಗೂ , ಕಾಲ ಹೇಳಲಾಗದು

ಪ್ರತಿದಿನವೂ ನಿನ್ನ ಪ್ರೀತಿಗೆ ಸ್ವಾರ್ಥಿ ನಾ ಅಣ್ಣ ..

       ...ಮಾಲಿನಿ ಭಟ್ ..............

ಮೌನ ಮಾತಾಗುವ ಮೊದಲು

ನಿನ್ನ ಕಣ್ಣ ಕುಸುಮದಲ್ಲಿ , ಆಳವಾಗಿ ಮೂಡಿದೆ
ನನ್ನ - ನಿನ್ನ ಪ್ರೀತಿ ಮೊಗ್ಗು ಹೂವಿನಂತೆ ಅರಳಿದೆ

ಒಮ್ಮೆ ಮುನಿಸು , ಒಮ್ಮೆ ಒಲವು
ಪ್ರೀತಿಯೊಂದೆ ನಮ್ಮ ಉಸಿರು

ಸುದಿರ್ಘವಾಗಿ ಬಾಳಿ ಬದುಕೋ ಮನದ ಇಂಗಿತ
ಪುಟ್ಟ ಪುಟ್ಟ ಆಸೆ ಹೆಣೆದು ನವಿರು ತಂದಿತು

ಮೌನವಾಗಿ ತಬ್ಬಿ ಕನಸು ಕಂಡೆವು
ನಿನ್ನ ಸ್ಪರ್ಶ ಆಲಿಂಗನ ಮಧುರ ಕ್ಷಣವು

ಹೃದಯದೀಪ ನಿನ್ನ ಆಗಮನಕೆ ಕಾದು ಕುಳಿತಿದೆ
ಸಮಯ ಮೀರದೆ ಬಂದು ತಲುಪು

ನನ್ನ ಹೃದಯದ ಮೌನ ಮಾತಿಗೆ
ಮೌನ ಮಾತಾಗುವ ಮೊದಲು ಪ್ರೀತಿ ನಿನಗೆ ಕಾದಿದೆ ...


         ಮಾಲಿನಿ ಭಟ್

ಬಡವನ ಭಾಗ್ಯ

 

 

ರಾತ್ರಿಯ ಕನಸು ಮಬ್ಬಲಿ ಕವಿಯಿತು

ಚಿಂತೆಯ ಸಾರ ಜೀವನ ಬಿಗಿಯಿತು

ಹೆಂಡತಿ ಮಕ್ಕಳ ಕುಂದಿದ ಮೊಗವು

ತಟ್ಟನೆ ನೆನಪಲಿ ಬೆಂದಿತು ಹೃದಯವು

 

ಪ್ರೀತಿಯ ಬೆಳಕು ಬಡವನಲಿ

ಉದಾರ ಮನಸು ಭಾವದಲಿ

ಮನೆಯಲಿ ತುಂಬಿದ ದಾರಿದ್ರ್ಯ ಜೊತೆಯಲಿ

ಎಲ್ಲಾಸೇರಿತು ಮೂಲೆಯಲಿ

 

ಹಸಿವನು ನೀಗಲು ಪಟ್ಟಿಹ ಕಷ್ಟ

ಬೆವರ್ಲಿ ಸಾರಿದೆ ನೋವಿನ ಇಷ್ಟ

ಮಗುವಿನ ಕಣ್ಣಿನ ಆಸೆಯ ತುಡಿತ

ಪತ್ನಿಯ ಸೊರಗಿದ ದೇಹದ ಬಡಿತ

 

ದುಃಖವು ಎದೆಯ ಸಿಡಿದಿತ್ತು

ಬಡತನ ನೋವ ಹರಡಿತ್ತು

ಜೊತೆಯಲಿ ನಿಲ್ಲದ ಬಂಧುಗಳು

ಸ್ವಾರ್ಥವೇ ಸಾಧಿಸೋ ಜನರುಗಳು

 

ಹಣವೇ ಎಲ್ಲವೂ ಎಂದಿತ್ತು

ಬಡತನ ಪ್ರೀತಿಯ ಮುದುದಿತ್ತು

ಪ್ರೀತಿಯ ಮಗುವ ಕನಸು ಕಮರಿತ್ತು

ಆಶಯವೊಂದು  ಆಗಸದಲ್ಲಿ

 

ಬಡತನ ಭಾಗ್ಯವ ಬೆಳಗಿತಾ  ನೋಡು

ಸೂರ್ಯನು ಉದಯಿಸಿದಾಕ್ಷಣದಿಂದ

ಚಿಂತೆಯು ಕಳೆದು ಚಿತ್ತಾರ ಮೂಡಲಿ

ಬಡವನ ಮುಖದಲಿ ಸಂತಸ ಬೆಳಗಲಿ ..

 

 

...ಮಾಲಿನಿ ಭಟ್ .........

 

 

ಮತ್ತೆ ಮತ್ತೆ ನೆನಪಾಗುತಿದೆ

ಮೆಲುನುಡಿಯು ಕರೆದಂತಾಗುತಿದೆ

ಮಳೆಯ ಹನಿಯೊಂದಿಗೆ ಜಾರುತಿದೆ

ನಿಲ್ಲು ಗೆಳಯ ನಿಲ್ಲು ನನ್ನ ಅಗಲದಿರು ..

 

   ....ಮಾಲಿನಿ ಭಟ್ .............

ಗೋಕುಲದ ಕುವರ ನೀ

ಗೋವುಗಳ ಪಾಲಕ ನೀ

ರಾಕ್ಷಸರಿಗೆ ಸ್ವಪ್ನ ನೀ

ಪ್ರೀತಿಗೆ ಸರದಾರ ನೀ

 

..ಜನ್ಮಾಷ್ಟಮಿ ಯ ಶುಭಾಶಯಗಳು ....

     ....ಮಾಲಿನಿ ಭಟ್.........

 

ಕನಸುಗಳು ಸಂದಿಸುವ ಆ ಸಮಯದಲ್ಲಿ

ಬೆಳ್ಳಿ ಬೆಳದಿಂಗಳು ಹೊತ್ತ ಆ  ಬಾನಿನಲ್ಲಿ

ಮೆಲ್ಲನೆ ಇಣುಕುತಿತ್ತು ನಗುವಿನ ಮುಖದಲ್ಲಿ

ಗೆಳತಿ ನೀ ನೀಡಿದ ಹರ್ಷಧಾರೆಯ ರಸಜೇನು

 

 

......ಮಾಲಿನಿ ಭಟ್ ....

ಸ್ವತಂತ್ರ ಭಾರತ

 

ಸ್ವಾತಂತ್ರ್ಯದ ಜ್ಯೋತಿ ಹರಡಿತು  ಅಂದು

ದೇಶಕಾಗಿ ಸಾಲು ನಿಂತರು ಜನರು

ದಾಸ್ಯ ಬದುಕಲಿ ನೊಂದು ಹೋದರು

ಮಾತೃಭೂಮಿಗಾಗಿ ಹಗಲಿರುಳು ಹೋರಾಟಗೈದರು

ಹೆಸರು ಪಡೆದರು ಹಲವರು

ಮರೆಯಲ್ಲಿ ಮರೆಯಾಗಿ ಹೋದರು ಅಸಂಖ್ಯಾತ ಜನರು

ಎಲ್ಲರ ಪರಿಶ್ರಮದಿ ಭಾರತ ಎದ್ದುನಿಂತಿತು

 

...ಎಲ್ಲರಿಗೂ ಸ್ವಾತಂತ್ರೋತ್ಸವದ  ಶುಭಾಶಯಗಳು .....

 

ರಕ್ಷಾ ಬಂಧನ

 

 

ಜೊತೆಯಲ್ಲಿ ಯಾರಿಲ್ಲ ಎಂದು ಅಂಜಿಲ್ಲ ನಾನು

ನನಗಾಗಿ ನೀನಿರುವೆ ಅಣ್ಣ ...

ರಕ್ಷಣೆಗಾಗಿ ನಿಂತಿರುವೆ ನೀ

ಪ್ರೀತಿಯಿಂದ ಸಲಹುವ ನನ್ನ ಪ್ರೀತಿಯ ಅಣ್ಣ

 

ಮನಸಲ್ಲಿ ನಿನಗಾಗಿ ಸುಂದರ ಕನಸಿದೆ

ನಾವಿಬ್ಬರು ಬೆಳೆದ ಅಳಿಸದ ಗುರುತಿದೆ

ಹಂಚಿಕೊಂಡ ಸುಖ ದುಃಖದ ಪಾಠವಿದೆ

ಸದಾ ನನಗಾಗಿ ಕನಸ ನೇಯ್ದ ನನ್ನ ಪ್ರೀತಿಯ ಅಣ್ಣ

 

ನಾ ಕಟ್ಟಿಲ್ಲ ನಿನಗೆ ಯಾವ ರಕ್ಷಣೆಯ ಹೊಣೆ

ನಿನ್ನಲ್ಲಿ ಪ್ರೀತಿ  ಇಲ್ಲವೆಂದಲ್ಲ , ತೋರಿಸಲಾಗದು

ಒಂದು ದಾರದಿಂದ ಬಂಧವನ್ನು ಹೇಳಲಾಗದು

ನಿನಗಾಗಿ ಏನನ್ನು ಕೊಡಲಿ ನನ್ನ ಪ್ರೀತಿಯ ಅಣ್ಣ

 

ನೀನರಿತಿರುವೆ ಎಲ್ಲವನು , ಮೌನವಾಗಿ

ನಿನ್ನ ಜೊತೆ ನಿಲ್ಲುವೆ ನಿನ್ನ ಪ್ರೀತಿಯ ತಂಗಿಯಾಗಿ

ನೀ  ಮರೆಯಲಾರೆ ಎಂದಿಗೂ , ಕಾಲ ಹೇಳಲಾಗದು

ಪ್ರತಿದಿನವೂ ನಿನ್ನ ಪ್ರೀತಿಗೆ ಸ್ವಾರ್ಥಿ ನಾ ಅಣ್ಣ ..

 

       ...ಮಾಲಿನಿ ಭಟ್ ..............

ಭೀಷ್ಮ

 

 

ಗಂಗೆಯ ಕುವರ

ಬೆಳೆದನು ರಾಜ್ಯದ ಬೆಳಕಾಗಿ

ಪ್ರೀತಿಯ ಮಗುವಿಗೆ

ಒಲವಿನ ಹೆಸರು ದೇವವ್ರತ

ತಂದೆಯ ಮೋಹದ

ಕಾಮದ ಶರಕೆ

ಅಂಧನೆ ಆದನು ಪುತ್ರನು 

ಸಂಕಟ ನೋಡಲು ಆಗದೆ 

ಹೊರಟನು ಅಂಬಿಗನ ಮನೆಯತ್ತ 

ಕೇಳಿದ ತಂದೆಗೆ ವಧುವಿನ ಭಿಕ್ಷೆ 

ಅಂಬಿಗನಿತ್ತ ಕ್ಲಿಸ್ಟ  ಪ್ರಶ್ನೆ

ನನ್ನ ಮಗಳ ಪುತ್ರರು ರಾಜ್ಯಕೆ

ವಾರಸುದಾರರು ಆಗುವರೇ

ಜೇಷ್ಠ ಪುತ್ರನು ನೀನಿರುವಾಗ

ಯೋಚಿಸಿ ನೀಡಿದ ಸರಳ ಉತ್ತರ

ನಾರಿಯರೆಲ್ಲ ತಾಯಿಗೆ ಸಮ

ಎನ್ನುವ ಪ್ರತಿಜ್ಞೆ ಮಾಡಿದನು

ತಂದೆಯ ಸಂತಸ ನೋಡಿ

ತೃಪ್ತಿಯ ನಗುವ ಬಿರಿದನು

ನಂತರ ತಿಳಿಯಿತು ಲಗ್ನದ ಷರತ್ತು

ಬೇಸರಗೊಂಡನು ಪಾಪಪ್ರಜನೆಯೋಳು

ಪ್ರೀತಿಯ ಪುತ್ರಗೆ ವರವನಿಟ್ಟನು

ಇಚ್ಚಾ  ಮರಣಿಯಾಗು

ಘೋರ ಪ್ರತಿಜ್ಞೆಯ ಪಲವಾಗಿ

ಭೀಷ್ಮನೆಂದು ಹೆಸರಾದನು ........

 

.......ಮಾಲಿನಿ ಭಟ್ .............

ನನ್ನ ಕಣ್ಣುಗಳ ಕಟ್ಟೆಯಲ್ಲಿ

ತುಂಬು ನೀರಿನ ಹರಿವಿದೆ

ರಭಸದಿ ಸೋಕಿದ ಗಾಳಿಯಲ್ಲಿ

ನೆನಪಿನ ರಸವು ಜಾರುವುದೆಂಬ ಭಯ ..

 

................ಮಾಲಿನಿ ಭಟ್....................

ಚಿರನಿದ್ರೆಗೆ ಜಾರಿದೆಯಾ ನನ್ನ ಕಂದ

 

 

ಪ್ರೀತಿಯ ನನ್ನ ಕಂದ, ನೀ ಗರ್ಭಕ್ಕೆ ಬಂದ ಕ್ಷಣ 

ನನ್ನಲ್ಲಿ ಅದೇನೋ ರೋಮಾಂಚನ, 

ತೆರೆಮರೆಯಲ್ಲಿ   ಪೋಣಿಸಿಟ್ಟೆ, ಪ್ರೀತಿಯ  ಹೂಮಾಲೆಯನ್ನು,

ಪ್ರತಿಕ್ಷಣವು ನಿನ್ನದೇ ನೆನಪು ,

                           ನನ್ನೆಲ್ಲ ನೋವು ಪ್ರೀತಿ ಬಿಂದಿಗೆಯಾಯ್ತು ||

 

ದಿನ - ದಿನ ಕಳೆದು ನೀ ಬಂದೇ ಬಾಳ ದೀವಿಗೆಯಾಗಿ ,

ಮೂಡಣದ ರವಿಯಾಗಿ ಕಿರಣದ ಸ್ಪರ್ಶ ನೀಡಿದೆ,

ಪ್ರತಿದಿನ ಹೃದಯದ ಮೃದುಲ  ಭಾಷೆಯಾದೆ,

ನಿನ್ನ ಕನಸಿಗೆ ಕ್ಷಣ ಬಿಡದೆ ಶ್ರಮಿಸಿದೆ,

 

                                   ನನ್ನೆಲ್ಲ ನೋವು ಮರೆಯಾಯ್ತು||

 

ಮೊಗ್ಗಾಗಿ ಚೆಲ್ಲಿದೆ ಸೌಂದರ್ಯದ ಬೆಳಕು,

ಬೆಳೆಯುತ್ತ ಹರಡಿದೆ ನಗುವಿನ ಸೌಗಂಧ,

ನಿನ್ನ ನಡೆ ನುಡಿ ಮನೆ ನಂದನವಾಯ್ತು ,

ಕರುಳಿನ ಬೆಸುಗೆಯ ಅರ್ಥ ನೀಡಿದೆ,

                               

                                     ನಿನ್ನೋಲುಮೆಯಲ್ಲಿ ಮನ ತಂಪಾಯ್ತು ||

 

ಯಾರು ಕಂಡರು ನಿನ್ನ ಕರುಬೂ ಮನಸಿಂದ,

ಬಂದಿತಲ್ಲ ಗ್ರಹಚಾರದ ಕೂಪ ,

ಉತ್ತರವಿರದ ಪ್ರಶ್ನೆಗೆ ನೀ ಗುರಿಯಾದೆ,

ಮೌನದ ತಡಿಕೆಯಲ್ಲಿ ಚಿರನಿದ್ರೆಗೆ ಶರಣಾದೆ ,

                                      ಇಂದು ಬಾಳೆಲ್ಲ ರಣಗುಡುವ ಸುಡುಗಾಡು||

 

ಚಿರನಿದ್ರೆಗೆ ಜಾರಿದೆಯಾ ನನ್ನ ಕಂದ

ಹೆತ್ತಮ್ಮನನ್ನೇ ಅಗಲಿದೆಯಾ ?

ನಿನಗಾಗಿ ಎಲ್ಲ ಕಷ್ಟ ಸಹಿಸಿದೆ

ನೋವ ಕಣ - ಕಣದಲ್ಲೂ ನಿನ್ನ ಮುದ್ದು ಪ್ರೀತಿಗೆ ಸೋತೆನು

                                      

                                         ನನ್ನೆಲ್ಲ ನಗುವು ನೋವ ಹಾಸಿಗೆಯಾಯ್ತು .

 

 

  ............ಮಾಲಿನಿ ಭಟ್ ..........................

 

 

 

ನಿನ್ನ ಚಿತ್ರಣ

 

 

ಕನಸಲ್ಲಿ ಬಿಡಿಸಿದ ಚಿತ್ರಕೆ

ಬಣ್ಣವಿಲ್ಲದೆ ಹುಡುಕಾಡಿದೆ

ಮುಂಜಾನೆ ನೋಡಿದರೆ

ನಿನ್ನ ಸುಂದರ ನೆನಪ ಬಣ್ಣ ಬಳಿದೆ

ಎಷ್ಟು ಸೊಗಸಾಗಿದೆ ನೋಡು

ನಿನ್ನ ನೆನಪುಗಳ ನನ್ನ ಚಿತ್ರಣ 

 

...... ಮಾಲಿನಿ ಭಟ್ ...........

ಮನಸ ತುಮುಲ ಎಲ್ಲ ಅಕ್ಷರವಾಗದು

ಹೇಳುವೆನೆಂದರೂ ಎಲ್ಲ ಹೇಳಲಾಗದು

ಅರಿಯದಂತೆ ಮೌನವಾಗುವುದು

ಉತ್ತರ ಹೇಳದೆ ನೀ ಸರಿದ ರೀತಿ ..

 

..........ಮಾಲಿನಿ ಭಟ್.............

 

ಪ್ರೀತಿಯ ಸಾಕ್ಷಾತ್ಕಾರ

ನಿನ್ನ ಕಣ್ಣುಗಳ ಸುಳಿಯಲ್ಲಿ
ಕವಲೊಡೆದ ಕನವರಿಕೆಯಲ್ಲಿ
ಒಲಿದ ಜೀವ ಮೊಳಕೆಯಲ್ಲಿ
ಏರಿಳಿತದ ಉದ್ವೇಗದಲ್ಲಿ
ಮೃದುಲ ಮನಸಿನ ಬಂಧದಲ್ಲಿ
ಮೌನ ಸಂವಹನದೊಂದಿಗೆ
ಸಾಕ್ಷತ್ಕಾರಗೊಂಡಿದೆ ಪ್ರೀತಿಯ ಬಳ್ಳಿ



.............ಮಾಲಿನಿ ಭಟ್ ............

ಮರೆಯದ ನಿನ್ನ ನೆನಪು

 

ಕನಸ ಮೂಲೆಯಲ್ಲಿ  ಬೆಚ್ಚನೆಯ ಹೊದಿಕೆ ಹರಡಿ

ಮೌನದ ಪದರ ಜೊತೆಯಲ್ಲಿ ನಗುವ ಕದಡಿ

ಮನಸಿನ ಚಿತ್ರಪಟಡಿ ನೆನಪಿನ ಸರವ ಹರವಿ

ನೀನು ನೀಡಿದ ಮಾಣಿಕ್ಯ ಹುಡುಕುತಿರುವೆ ....

 

 

...............ಮಾಲಿನಿ ಭಟ್ .................

 

ನಿನ್ನ ಒಳಗೆ ನಾನಿರಬೇಕೆಂಬ ಆಶಯ

ನನ್ನ ಹೃದಯ ಸುತ್ತ ನೀ ಕಾವಲಿರಬೇಕೆಂಬ ಹಂಬಲ

ನಿನ್ನ ಭಾವನೆ ನನಗೆ ಸೇರಲಿ ಎನ್ನೋ ಬಯಕೆ

ನನ್ನ ಮಿಡಿತ ನಿನ್ನದೇ  ಎಂದು  ಗೃಹಿಸಲಿ ಎಂಬ ತುಡಿತ ..

 

 

 

............ಮಾಲಿನಿ ಭಟ್ ................... 

ಅಪ್ಪಾ ನಿನ್ನ ಬರುವಿಕೆಯಲ್ಲಿ

 

 

ಅರಿತವರು ಹೇಳಿದರು

ಅರಿಯದವರು ಸುಮ್ಮನಾದರು

ಭವಿಷ್ಯಕ್ಕೆ ತಂದೆಯೇ ಶಿಲ್ಪಿ

ನೂರು ಕನಸಿಗೆ ನೀ ಆಧಾರ

ಪುಟ್ಟ ಪುಟ್ಟ ಕನಸ ಬೆಳಕಿಗೆ

ನೀ ಮೌನದೀವಿಗೆ

ನಿನ್ನ ನೆನಪಾಗುತಿದೆ ಅಪ್ಪಾ

ಹೃದಯ ಮಿಡಿಯುತಿದೆ

ಅಪ್ಪಾ - ಅಮ್ಮ ನಿಮ್ಮಿಬ್ಬರ ಹೊರತು

ಮತ್ತೇನು ಬೇಡವಾಗಿದೆ

ತಟದಲ್ಲಿ ಕಾದು ಕುಳಿತಿರುವೆ

ಒಮ್ಮೆಯಾದರು ಬರುವೆಯೆಂದು 

ನಿನ್ನಲ್ಲಿ ಮಾತನಾಡಬೇಕು ಅಪ್ಪಾ 

ನಡೆಯುದನ್ನು ಕಲಿತ ಗಳಿಗೆ ನೀ ಅಗಲಿದ್ದು 

ದೇವ ನಿನ್ನನ್ನು ತನ್ನೆಡೆಗೆ ಸೆಳೆದುಬಿಟ್ಟ 

ಅಪ್ಪಾ ಒಮ್ಮೆ ಬಂದುಬಿಡು 

ನನ್ನ ಅಮ್ಮನಿಗಾಗಿ ಅವಳ ಮಾಸಿದ 

ಕಣ್ಣಿನಲ್ಲಿ ಅಡಗಿರುವ ನೋವಿಗೆ 

ನೀನು ಮಾತ್ರ ಸಮಾಧಾನ ಮಾಡಬಲ್ಲೆ 

ನಿನಗಾಗಿ ಅವಳು ಕಾಯದ ದಿನವಿಲ್ಲ 

ಪ್ರಪಂಚವರಿಯದ ನನ್ನ ಅಮ್ಮ 

ಸುತ್ತುವರಿದ ಸುಳಿಯಿಂದ ನೀನೇ 

ಬಿಡಿಸಬೇಕು , ಅಪ್ಪಾ ನನಗಿಂತಲೂ 

ನನ್ನ ಅಮ್ಮನ ನಗುವಿಗಾಗಿ ನೀ ಬರಬೇಕು 

ಎಲ್ಲಿ ಅಡಗಿರುವೆ 

ನೀಲನಭದ  ಗಾಳಿಯಲಿ 

ಲೀನಗೊಂದೆಯಾ

ಅಪ್ಪಾ ಕರ್ತವ್ಯ ಮರೆತು  ಹೋಗದಿರು,

ನಿನಗಾಗಿ ಕಾಯುತಿರುವೆ

ಕಣ್ಣೀರು ತಡೆದು , ನಿನ್ನ ನೆನಪಿನೊಂದಿಗೆ ...

 

 

.............ಮಾಲಿನಿ ಭಟ್ ...................

೧.)

ಹೃದಯ ಅವ್ಯಕ್ತ ಭಯದಿ ತೇಲಿದೆ

ಸಾಂತ್ವನ ಮಾಡೋ ಮನಸು ಮರೆಯಲಿ

ನಿನ್ನ ನೆನಪು ಘಾಸಿ ಮಾಡಿದೆ

ಹೇಗೆ ನಿನಗೆ ತಿಳಿಸಲಿ ....

 

೨.) ಪುಟ್ಟ ಮಗುವೆ

ನಿನ್ನ ಜೊತೆ ನಾ ಸೋತೆನು

ನಿನ್ನ ಮುದ್ದು ಮುಖದಿ

ಹೊಳೆಯುತಿಹುದು

ಪುಟ್ಟ - ಪುಟ್ಟ ದೀಪವು

ಸದಾ ಚೆಲ್ಲುತಿರಲಿ

ಆನಂದದ ತೈಲವ ...

 

 

 

.................ಮಾಲಿನಿ ಭಟ್....................

ನಿನ್ನ ಆಗಮನಕೆ

 

ಆ ಗಾಳಿ ತೂಗೋ ಮೆಲ್ಲುಸಿರ ಗಾನಕ್ಕೆ

ಎದೆಯ ಕಣವೂ ಕಂಪಿಸಿತು

ಅತ್ತಿತ್ತ ನೋಡೋದರವೊಳಗಾಗಿ ಬಂದಿರುವೆ

ಮುದ್ದಾದ ಹೂವ ಪರಿಮಳವ ತಂದಿರುವೆ

ಮನದಲ್ಲಿ ಮಡಚಿಟ್ಟ ಹಾಳೆಯು ತೆರೆದಿರುವೆ

ಬೆಚ್ಚನೆಯ ಬೆಸುಗೆಯ ಮುದ ನೀಡಿರುವೆ

ಬೆಳಕು ಚೆಲ್ಲೋ ಕಂಗಳಿಂದ ಕಾದಿರುವೆ ...

 

..ಮಾಲಿನಿ ಭಟ್..............

ದೇವ ಸ್ಮರಣೆ

 

ನಿತ್ಯ ಸಂಕಲ್ಪದಿ ಕರಮುಗಿದು ಪ್ರಾರ್ಥಿಸು

ಆತ್ಮಶಕ್ತಿಯ ವರ್ಧಿಸೋ ಆಗರ

ನಿನ್ನ ಸ್ಮರಣೆಯೊಂದೇ ಶ್ರೇಷ್ಠ ಕಿರಣ

ಕತ್ತಲಿಂದ ಬೆಳಕಿನೆಡೆಗೆ ನಡೆಸೋ ಹರಿವು  ..

 

 

.............ಮಾಲಿನಿ ಭಟ್ ..................

ಪ್ರೀತಿ

 

ಪ್ರೀತಿಯ ಕುಸುಮವೇ

ಹೃದಯದಿ ಕೆತ್ತಿದೆ ನಿನ್ನಯ ಪಟವ

 

ಗಗನದಿ ನೋಡಿದ ಸುಂದರ ತಾರೆಯೇ

ಮನಸಲಿ ಬರೆದೇನು ನಿನ್ನಯ ಹೆಸರ

 

ಮಾಗಿಯ ಚಳಿಯ ನಿನ್ನಯ ಮೊಗವೇ

ನನ್ನ  ಒಡಲ ಹಸಿರಿನ ತಾಣವೇ

 

ಕಂಪ ಸೂಸುವ ಗಂಧವೇ

ಪದ ವಿನ್ಯಾಸ ನಾ ಕಾಣೇ

 

ಮುಸುಕಿದ ತೆರೆಯೇ

ನಂದಾದೀಪ ನೀ ನನ್ನ ಹೃದಯದ

 

ಹೊಸಹಾರೈಕೆ  ಓ  ಒಲವೇ

ಚಿತ್ತಾರವ ಬಿಡಿಸಿದೆ ನನ್ನ ಮನದಂಗಳದಿ

 

ಲತೆಯ ಮಾಧುರ್ಯವೇ

ಹೆಣೆದು ಬಿಡು ಹೊಸ  ಸಂಬಂಧವ ..

 

 

.......ಮಾಲಿನಿ ಭಟ್ ...................

 

ಸಾಗರದ ಆಚೆ, ಕಿನಾರೆ ಮಗ್ಗುಲಲ್ಲಿ
ನನ್ನದೊಂದು ಪುಟ್ಟ ಗೂಡಿದೆ
ಗದ್ದಲದ ಬದುಕ ದೂಡಿ
ಶಾಂತವಾಗಿ ಬಂದು ನೋಡಿರಿ
ಇಲ್ಲಿಯೇ ಹೊಸದು ವಿಶ್ವ ಕಟ್ಟಿ ಕೊಳ್ಳೋಣ ...

ಸೆಟೆದು ನಿಂತ ಬೆನ್ನುಹುರಿ

ತದೇಕಚಿತ್ತದ ಮನಸು

ದೃಷ್ಟಿ ಬದಲಿಸದ ಕಣ್ಣ ಹೂಗಳು

ನಿರಂತರ ಚಲನೆಯ  ಕೈ ಬೆರಳುಗಳು

ತಲೆ ತುಂಬಿಕೊಂಡಿರುವ ಗೊಂದಲ

ಸ್ವಂತ ಕನಸಿಗೆ ಬಣ್ಣ ಬಳಿಯದೆ

ದೂರವಿರಿಸೋ   . ಇಂದಿನ ಸ್ವಾಫ್ಟವೇರ್ ಗಳು

 

ತುಟಿಯ ಅಂಚಿನಲ್ಲಿ  ಹೊರಳಿದ  ನಗುವಿಗೆ  

ತಾರೆಯೇ  ಮೋಹಗೊಂಡಿದೆ

ಚಂದನದ ಮುಖವು ಕಾಂತಿಯಲಿ ತೇಲಿದೆ

ನನ್ನ ನಗುವಿಗೆ ನೀನು ಕಾರಣ ಗೆಳಯ

ನಿನ್ನ ಒಲವಿನ ಮಾತು ಸ್ಪೂರ್ತಿಯು .

 

 

ನಿನ್ನ ಜೀವನ , ನಿನ್ನ ಕನಸು  ಏಲ್ಲವೂ ನಿನ್ನದೇ

ಉಕ್ಕಿ ಹರಿವ ಜಲಪಾತದಲ್ಲಿ

ತೇಲಿ ಬಂದ ಕಸವು ನಾನು

ರಕ್ತ ಸಂಬಂಧದ  ಹೆಸರ ನೀಡಿದೆ

ಕಸವು ಚಿತ್ರವಾಗದು ಗೆಳಯ

ಮರಳಿ ತೇಲಿ ಬಿಡು ತನ್ನ ಗೂಡ ಸೇರಲಿ ...

 

 

....ಮಾಲಿನಿ ಭಟ್ ............

ಉಸಿರ ಗಾಳಿ ಹೃದಯ ಸೋಕಿದಾಗ

ನೆನಪಾಗಿದ್ದು ನೀನೇ

ಮನಸು ಮೌನದಲ್ಲಿ ಕರಗಿದಾಗ

ಸೆಳೆದಿದ್ದು ನೀನೇ

ಕಣ್ಣೀರು ಕನಸಿನೊಂದಿಗೆ ಜಾರಿದಾಗ

ನೋವು ನೀಡಿದ್ದು ನೀನೇ

ಭಾವನೆಗಳು ಬರಿದಾದಾಗ

ಮತ್ತೆ ಮನಸಿಗೆ ಹತ್ತಿರವಾಗಿದ್ದು ನೀನೇ ..

 

 

.....ಮಾಲಿನಿ ಭಟ್ ......................

ಹೊಸದು ಭಾಷ್ಯ

  

 

ಕಪ್ಪು ಮೋಡ ಬಾನ ತುಂಬಾ ಹರಡಿಕೊಂಡಿದೆ

ಚಲಿಸೋ ಗಾಳಿ ಮೌನವಾಗಿ ಗೂಡ ಸೇರಿದೆ

 

ಜಗದ ಶಿಲ್ಪಿ ಹುದುಗಿಹೋದ ಮಣ್ಣ ಕಣದಲಿ

ಹರಿಯೋ ನೀರು ತನ್ನ ಕಾಯ ಮರೆತ ಹಾಗಿದೆ

 

ಲೋಕವೆಲ್ಲ ಮಿಥ್ಯದಡಿಗೆ ಬಂಧಿಯಾಗಿದೆ

ಮಾನವತೆಯು ಜೊಳ್ಳು ತಬ್ಬಿ ಅಜ್ಞಾನ ಮೊಳಗಿದೆ

 

ನಿತ್ಯ ತೈಲವೆರೆಯೋ ಕೈ ರಕ್ತ ಬಸಿದಿದೆ

ಜ್ಞಾನದೀಪ ಷೋಕಿ ಮಡಿಲ ಅಡಗಿ ಕೂತಿದೆ

 

ಜಗದ ಜನಗೆ ಕರಿಯ ಪಟ್ಟಿ ಕಣ್ಣ ಕಟ್ಟಿದೆ

ವಿಶ್ವಕೆಲ್ಲ ಹೊಸದು ಭಾಷ್ಯ ಬರೆಯಬೇಕಿದೆ ...

 

ಮುಂಜಾನೆಯ ಶುಭಾಶಯಗಳು ...................

 

 

............ಮಾಲಿನಿ ಭಟ್ ..................

ಇಂದು ನನಗೆ ನೀನೇ ಕಂದನು

 

ಅಮ್ಮ ನಿನ್ನ ಮಡಿಲಿನಲ್ಲಿ ಮಲಗುವಾಸೆ

ನನ್ನ ತೋಳಿನಿಂದ ನಿನ್ನ ಮುದ್ದುವಾಸೆ

ಮಮತೆ ಬಡಿಸಿ , ಪ್ರೀತಿಯಿಂದ ಸಲಹುವಾಸೆ

ದೇವನನ್ನು ಕಾಣದಾದೆ ನಿನಗೆ ಪೂಜೆ ಮಾಡುವಾಸೆ

                         ಇಂದು ನನಗೆ ನೀನೇ ಕಂದನು ||

 

ನಿನ್ನ ಉಸಿರು ನನಗೆ ನೀಡಿ ಜೀವ ತುಂಬಿದೆ

ರತ್ನದಂತೆ ನನ್ನ ನೀನು ಸಾಕಿ ಬೆಳೆಸಿದೆ

ಗುರುವು ನೀನೇ , ದೈವ ನೀನೇ , ನನ್ನ ಪಾಲಿಗೆ

ನಗುವ ತಾರೆಯಂತೆ ನೀನು ಬೆಳಕ ಚೆಲ್ಲಿದೆ

                           ಇಂದು ನನಗೆ ನೀನೇ ಕಂದನು ||

                                   

ಮೌನವಾಗಿ ನೋವು ತಿಂದು ಸುಖವು ನೀಡಿದೆ

ಗುಬ್ಬಿಯಂತೆ ನನ್ನ ನೀ ಕಾದು ತುತ್ತ ಕೊಟ್ಟೆ

ನಿನ್ನ ಸುಖವ ತ್ಯಜಿಸಿ ನನಗೆ ಪ್ರೇಮ ನೀಡಿದೆ

ಸವೆದ ಹಾದಿ ನನ್ನ ನೋಡಿ ನೀನು ಮರೆತೇ

                          ಇಂದು ನನಗೆ ನೀನೇ ಕಂದನು ||

 

 

 

 

 

       ...ಮಾಲಿನಿ ಭಟ್.........

ನನ್ನ ಬಾಳು

 

 

ನನ್ನ ಬಾಳು ನನ್ನದು

ನನ್ನ ಕನಸು ನನ್ನದು

ಉರಿವ ಬೆಳಕ ತಪ್ಪಲಲ್ಲಿ

ಮೌನಗೆರೆಯೇ ಉತ್ತರ

ಜೀವ ಕಳೆದ ಸಾಲಿನಲ್ಲಿ

ಸವೆದ ಮಣ್ಣ ಅಣುವಿನಲ್ಲಿ

ನನ್ನ ನೆರಳ ಆಕೃತಿ

ತಂಪ ನೀಡೋ ಮಾತೇ ಇಲ್ಲ

ಬರಿಯ ನಡಿಗೆ ಜೊತೆಯಲಿ

ಋಣವು ಇರುವ ಕ್ಷಣದವರೆಗೆ

ನಾನು ನನ್ನದು ಪಲ್ಲವಿ

ಎಲ್ಲ ಮುಗಿದ ಕೊನೆಯ ಹಂತಕೆ

ಕದವ ತೆರೆದು ನಡೆಯಲು ...

 

 

..ಮಾಲಿನಿ ಭಟ್ ./....

 

 

ಮೋಡ ಕಟ್ಟಿದ ಬಾನು

ಹುದುಗಿ ಇಟ್ಟಿರೋ ಜಲವನು

ಭುವಿಯ ಸೆಳೆತ ; ಮಣ್ಣು ಕಾದಿದೆ

ತಂಪ ಮಾಧುರ್ಯಕೆ ,

ಮಣ್ಣ ಗಂಧಕೆ

ವಿಶ್ವ ಸಂಕುಲ ತನ್ಮಯವಾಗಿದೆ ...

 

 

 

...........ಮಾಲಿನಿ ಭಟ್ ....................

ಮತವೆಂಬ ಬೇಧ

ಮನಸೆಂಬ ಜೀವದಲಿ

ಅಪ್ಪಿ ಹಿಡಿದ ಜಡತೆ

ದೂರದಲಿ ನಿಂತು

ಮಾನವತೆಯ ಹತ್ಯೆಗಯ್ಯೋ

ನಿಜವಾದ ಕೊಲೆಪಾತಕರು..

 

...ಮಾಲಿನಿ ಭಟ್................. 

 

ಅಮ್ಮಾ ನಿನ್ನ ಆದರ

 

ಕರೆಯುವಳು ಮನಸೋಲುವವರೆಗೆ

ಒಲೈಸುವಳು ಹೃದಯ ಬತ್ತುವವರೆಗೆ

ಪ್ರೀತಿಸುವಳು ಜೀವವಿರುವವರೆಗೆ

ಆದರಿಸುವಳು ಪ್ರಪಂಚ ನಿಬ್ಬೆರಗಾಗುವಂತೆ ..

 

 

 

 

.....ಮಾಲಿನಿ ಭಟ್ .................

 

ಸಿಗದ ನೀ  ಬಹುದೂರ

 

ಗಗನ ಚಪ್ಪರದಿ ಅರಳಿದ ಕುಸುಮ ನೀನು

ಕೈಯಲ್ಲಿ ಹಿಡಿಯಬೇಕೆಂಬ ಬಯಕೆ

ನೀ ಬಹುದೂರದಲಿರುವುದ ಮರೆತೇ

ನಿನ್ನ ಎದುರಲಿ ಕುಳಿತಿರಲು ಬಯಸಿದೆ

ಪದೇ ಪದೇ ನಿನ್ನ ಮಾತೆ ಕೇಳುತಿದೆ

ನಾ ನಿನಗೆ ಸಿಗಲಾರೆ ಮರೆತುಬಿಡು 

 

 

 ....ಮಾಲಿನಿ ಭಟ್ .....

ನಿನಗಾಗಿ ನಾನೇನು ಕೊಡದಾದೆ,

ನಿನ್ನ ಸ್ನೇಹವು ಮಾತ್ರ ಚಿರನೂತನ

ನಿನ್ನ ಮನವು ನನಗೆ ಆದರ್ಶವಾಗಿರಲಿ

ನಿನ್ನ ನಡತೆ ಅಪರಂಜಿಯಂತಿದೆ

ನೀನಾದೆ   ನನ್ನ ಜೀವದ ಗೆಳತಿ

ನಿನಗಾಗಿ ಒಂದು ಶುಭ ಕೋರದಾದೆ

ಮರೆವೆಯ ಪರಿ ಅರಿಯದಾದೆ

ಕ್ಷಮೆ ಇರಲಿ, ಒಲವಿನ ಗೆಳತಿ ..

 

....ನಿನ್ನ ಪ್ರೀತಿ ಗೆಳತಿ ...

 

 

........ಮಾಲಿನಿ ಭಟ್ .....................

ಮೌನ ಗೆರೆಯ ಪರಿಧಿಯ  ಒಳಗೆ

ಹನಿಗಳ ಗುಚ್ಹ ಅರಳಲು ನಿಂತಿದೆ

ಒಳಗಿನ ಭಾವನೆ ಬೆಳಕನು ನೋಡಲು ಕಾದಿದೆ

ಜೀವನ ನೌಕೆಗೆ ,ಬೇಲಿ  ಹೊರಗೆ

ಜೊತೆಯಲಿ ನಡೆಯುವ  ಬಾ

ಮಧುರ ಮನಸಿನ ಮಾತುಗಳ ಸರದಿಯಲಿ ...

 

 

............ಮಾಲಿನಿ ಭಟ್ .........................

 

ಮನೆಯ ಮಾಡಿನ ಹಂಚಿನ ಮಧ್ಯೆದಿಂದ

ಮಳೆ ಬಂದಾಗ ಸುರಿಯೋ ಆ ಚಿಕ್ಕ ನೀರ ಹನಿ

ನನ್ನ ಮನದ ಪುಟ್ಟ ಸಸಿಗೆ ಜೀವ ತುಂಬುವುದೇ ?

ನಿನ್ನ ಬರುವಿಕೆಗೆ ಕಾದು ಕುಳಿತಿರುವೆ ...

 

 

 

...........ಮಾಲಿನಿ ಭಟ್..............

 

 

೧.)

 

 ಚಕ್ರವ್ಯೂಹ

 

ಎಳೆಯ ಕಂದನೆ

ನೀನರಿಯೆ  ಈ  ಜಗದ

ನಿಯಮವ

ಕಣ್ಣ ಬಿಡುವ ಮುನ್ನ

ಎಚ್ಚರದಿಂದಿರು ...

 

೨.)

     

 ಪ್ರೀತಿ

 

ಕಾಣದಾದ ದಾರಿಯಲ್ಲಿ

ತಿಳಿಯದಾದ ಮನಸಿನಲ್ಲಿ

ಅವಿತು ಅವಿತು ಆವರಿಸಿ

ಕುಳಿತಿರುವೆ ನೀನು .....

 

..... ಮಾಲಿನಿ ಭಟ್ .......

 

 

 

ಮೋಡ ಕಟ್ಟಿದ ಬಾನು

ಹುದುಗಿ ಇಟ್ಟಿರೋ ಜಲವನು

ಭುವಿಯ ಸೆಳೆತ ; ಮಣ್ಣು ಕಾದಿದೆ

ತಂಪ ಮಾಧುರ್ಯಕೆ ,

ಮಣ್ಣ ಗಂಧಕೆ

ವಿಶ್ವ ಸಂಕುಲ ತನ್ಮಯವಾಗಿದೆ ...

 

 

 

...........ಮಾಲಿನಿ ಭಟ್ ....................

ಮಮತೆ ಪ್ರತೀಕ

 

 

ಹೂವ ಬಳ್ಳಿ ಚಾಚಿ ನಿಂತಿದೆ

ಪರಿಮಳವ ನೀಡಲೆಂದು

ಮೆಲ್ಲ ಬೆಳಕು ಬಂದ ಕ್ಷಣವೇ

ತನ್ಮಯತೆಯಲಿ ತೇಲಿದೆ

ಜಗಕೆ ಸತ್ವ ನೀಡಿದೆ

ಮಮತೆಯ ಪ್ರತೀಕವಾಗಿ ...

 

 

....ಮಾಲಿನಿ ಭಟ್ ..................

ಕಣ್ಣೀರು

ಹೃದಯ ಸಾಗರದಲ್ಲಿ

ಜೋಡಿಸಿಟ್ಟ ನಿನ್ನ ಮಾತುಗಳು

ಇಂದು ಕಣ್ಣಿರಾಗಿ ,

ಮುಖದ ಸೌಮ್ಯತೆಯಲಿ

ಛಾಪು ಮೂಡಿಸಿದೆ,

ಸೋತ ನಯನದ

ನೂರು ಕನಸಿನ ಚಿತ್ರಪಟವು ಬಾಡಿದೆ,

ಮುಂಗುರಳು ಕಣ್ಣೀರ  ಜೊತೆ ನಡೆದಿದೆ

ಕೈಗಳು ಶಕ್ತಿಹೀನವಾಗಿದೆ ,

ಅಲ್ಲಲ್ಲೇ ಕಣ್ಣೀರ ಒರೆಸಲಾರದೆ

ತಟಸ್ಥ ತಳೆದಿದೆ..

ನಿನ್ನ ಹೃದಯವು ಈಗ ನನ್ನಲ್ಲಿಲ್ಲ

ಎಲ್ಲ ದೂರ ಸರಿದಿದೆ

ನಿರಂತರ ಚಲನೆಯ ವಾಸ್ತವಕೆ

ಮತ್ತೆ ಹಳೆ ಗುರುತು ಒಂದೇ

ಕಣ್ಣಿರಾಗಿ ಕಾಡುತಿದೆ ....

................ಮಾಲಿನಿ ಭಟ್..................

ಮನಸ ತೋಟದಲಿ

 

 

ಇದು ಎಂಥ ಅನುಬಂಧವೋ

 ಭಾವನೆಯ ತೆರೆಯ ಮನದಿ

ಕನಸಿನ ಸುಪ್ತ ಬೀಜದಿ

ನನ್ನ ದೇಹ , ನನ್ನ ಜೀವ

ನಿನ್ನ ಅಡಿಯಲಿ .....

 

 

......ಮಾಲಿನಿ ಭಟ್...................

 

 

 

ಇನಿಯ

ಕಣ್ಣ ಬಳಿಯಲಿ ಸುಳಿಯುವೆ

ತಂಪ ಗಾಳಿ ಸೋಕೊ ರೀತಿ

ಮನದ ಇಂಚು ಜಾಗದಲ್ಲೂ

ನಿನ್ನದೇ ಚಿಲಿಪಿಲಿ

ಹಲವು ರಂಗು ಮನಕೆ

ನಿನ್ನ ಒಂದು ನೋಟಕೆ

ಮಿಟುತಿಹುವುದು ಹೃದಯವು

ನಿನ್ನ ನೆನಪ ಚಕ್ರದಲಿ

ಯಾರು ಅರಿಯದಂತೆ ನೀಡಿದೆ

ಕನಸ ಗರಿಯ ಹೊಳಪನು ...

 

 

....ಮಾಲಿನಿ ಭಟ್..............

ಪರಿಸರ ದಿನ

 

 

ನಮ್ಮಯ ಸುತ್ತಲು ಕವಿದಿರೋ  ಕಾಣದ ಮುಸುಕಿನಲಿ

ಪದರಿನ ಲೇಪದಿ ಮರೆಸಿರೋ ತಿಳಿಯದೆ ಅಂಧತೆಯಲಿ

ನಮ್ಮಯ ಸಲಹುವ ಮರಗಳ ಅಳಿವಿನಲಿ

ಶಕ್ತಿಯ ನೀಡೋ ಜಲದ ಕಲ್ಮಶದಲಿ

ನಶೆಯ ಲೋಕದಲಿ ,

ಸುಂದರ ಪರಿಸರವ ಸಾಯಿಸುವ

ಎಲ್ಲರೂ ಸೇರಿ ... ಮನವನು ಮೆಚ್ಚಿ

ಭವ್ಯತೆ ಮಂದಿರ ಕಟ್ಟೋಣ

ಉಸಿರನು ಹಂಚೋ ಜೀವಕೆ ನಾವು

ಪ್ರೀತಿಯ ಒಪ್ಪಿಗೆ ನಿಡೋಣ..

 

 

 

 

 

              ಮಾಲಿನಿ ಭಟ್............... 

 

ಭಾರತ ದೇಶ

ಭಾರತದಲಿ ಉದಯಿಸಿದ ನಾವು

ಹಲವು ಭಾಷೆಯ ಸಮ್ಮಿಶ್ರದಲಿ

ಧರ್ಮ ಸತ್ವದ ಸಂಸ್ಕಾರದಲಿ

ಕೊಳಲು ನಾದ ಸ್ವರ ಸಲ್ಲಾಪದಲಿ

ಚರಣ ಕಾಂತಿಯ ಶುಭ್ರತೆಯಲಿ

ಭವ್ಯತೆಯ ಶಿಖರದಲಿ

ಅತ್ತ ಹಿಮಾಲಯ ತುದಿಯಲಿ

ಬಳುಕುತ ಸಾಗಿವೆ ಶ್ರೇಣಿಗಳು

ಸಾಧನೆ ಶಕ್ತಿಯ ಎತ್ತರಿಸಿ

ದೇವತೆಯಂತ ನದಿಗಳು ಹರಿದಿವೆ

ಸಾವಿರ ಸಾವಿರ ದೂರವ ಕ್ರಮಿಸಿ

ಮಣ್ಣನು ತಿದ್ದಿವೆ ಸುಂದರ ಫಲಕೆ

ಮಧ್ಯದಿ ಸಮತಲ

ತ್ರಿಕೋನ ಮೆರೆದಿದೆ

ಅಂಚುಗಳಲಿ ಅರಳಿವೆ

ಸಾಗರ ತೀರ, ತೆಂಗು - ಕಂಗಳ

ನೆಲೆಬೀಡಾಗಿ ,. ಜನರನು ಹರಿಸಿದೆ ಬಾ ಎಂದು

ಜನ್ಮವು ಇರುವುದು ಮಗದೊಂದು

ಹುಟ್ಟಿ ಬರುವೆನು ನಾ ಭಾರತದಲಿ ...

............ಮಾಲಿನಿ ಭಟ್ .......................

ಮೋಹದ ಅಲೆ

 

ಮನಸಲಿ ಸುಳಿದ ಮಾತಿನ ಪಲ್ಲವಿಗೆ

ಮಿಡಿಯಿತು ಹೃದಯದ ಕನ್ನಡಿಯು

ಸುತ್ತಲು ತಿರುಗುವ ಭೂಮಿಯಲ್ಲಿ

ಸಾಗರದಲೆಯ ಸುಳಿಯಲ್ಲಿ

 ಮೋಹನ ತೆರೆಯ ನಾಟ್ಯದಲ್ಲಿ

ಸಿಲುಕಿದ ನಿನ್ನನು ಕಂಡೇನು

ಕರಗಿದೆ ನಿನ್ನಯ ಮಾಯದ ಬೆರಗಿಗೆ

ನಿನ್ನಲಿ ನಾನು ಸೇರಿರಲು

ಅರಿವಿನ ಬಲವು ಕದವನು ತೆರೆಯಲು

ಸೋಲಿನ ಗೆರೆಯ ಮುಟ್ಟಿರಲು

ಬಿಡಿಸಲು ಆಗದೆ ನಲುಗಿರಲು

ಉಸಿರಿನ ಕೊನೆಯೂ ಕಾದಿರಲು

ಮಿಂಚಿತು ಕಿರಣವು ದೂರದಲಿ .

 

 

..................ಮಾಲಿನಿ ಭಟ್ ..........

 

 

 

ನಿರೀಕ್ಷೆ

            

ನರಗಳು ಸ್ಪಷ್ಟವಾಗಿ ಕಾಣೋ ಆ ಕೈಗಳು

ಮೂಕವೇದನೆಯಲಿ ಸೊರಗಿದ ತನುವಿನಲಿ

ಪ್ರತಿನಿತ್ಯ ದೇವರ ಪ್ರಾರ್ಥನೆಯಲಿ

ಒಂದೇ ಸಮ ಸಲ್ಲಿಸುವ ವಿನಂತಿಯಲಿ

ಹೊಸ ಬೆಳಗು ಮೂಡಿ ಬರಲಿ ನಿರೀಕ್ಷೆಯಲಿ ..

 

 

........ಮಾಲಿನಿ ಭಟ್......................

 

ಕಣ್ಣ ತುದಿಯ ಅಂಚಿನಲಿ , ಹೊಳೆ ಹೊಳೆಯುತ ಬೆಳಗಿದೆ

ನನ್ನ ಹೃದಯವೆಂಬ ದೇಗುಲವ, ಅಲೆಯ ಅಗಲದಿ ತುಳುಕಿಸಿದೆ

ಚಿಗುರಾಗಿ ನಲುಗಿದ ಕುಡಿಯ ಮನಸಿನಾರಾಧನೆಗೆ

ಹೊಸ ದಿಗಂತದ ಸೂರ್ಯ ಕಿರಣ ಹರಿದು ಬರಲಿ ...

 

 

 

 

 

            ............ಮಾಲಿನಿ ಭಟ್.................

ಮಾತನಾಡಲು ಏನಿದೆ ?

 

ಸಂಬಂಧಗಳು ದೂರ ದೂರ

ಅರ್ಥವಾಗದ ಬದುಕಿನಲಿ

ಪರಿಚಿತರಾಗಿ ಸರಿಯುವರು

ಉತ್ತರವಿರದ ಪ್ರಶ್ನೆಗೆ

ಅರಿತವರಾಗಿ ಬಂದು ಅರಿಯದವರಾಗಿ

ಕಳೆದು ಹೋಗುವರು

ನಾಳೆ ಇರದ ಬಾಳಿನಲಿ ..

 

....ಮಾಲಿನಿ ಭಟ್ ..............

ಜೀವನ ಜೋಕಾಲಿ

ಭಾವನೆಗಳ ಸಮ್ಮಿಲನ

ಮಧುರತೆಯ ಕಲ್ಪತರು

ಸುತ್ತಿಟ್ಟ ಗೂಡಲಿ

ಪ್ರತಿಕ್ಷಣ ಹೊಸಚೈತನ್ಯ ಚಿಮ್ಮಲಿ

ಮನಸಿನ ತೋಟದಲಿ ..

 

 

....ಮಾಲಿನಿ  ಭಟ್

ಮರಳಿ ಬಾ ಗೆಳಯ ..

ಕೈ ಬೆರಳು ಮೃದುವಾಗಿ
ಕೀ ಬೋರ್ಡ್ ಅದುಮಿ
ನಿನ್ನ ಹೆಸರು ಶುರುವಾಗಿ
ನನ್ನ ಕಣ್ಣು ಹನಿಯಾಗಿ
ಒಲವು ಹುಸಿಯಾಗಿ
ಕನಸು ನೆರಳಾಗಿ
ನಿನ್ನ ನೆನಪು ಚಿರವಾಗಿ
ಮನವು ಹಸಿಯಾಗಿ
ಕಾದು ಕುಳಿತಿದೆ
ನಿನ್ನ  ಆಗಮನಕೆ ..


...........ಮಾಲಿನಿ ಭಟ್ ......................

 

ಮುದುರಿಕೊಂಡು ಚಾಪೆ ಮೇಲೆ ಮಲಗಿಕೊಂಡಿರುವ 

ಸಾವಿರ ಕನಸುಗಳೊಂದಿಗೆ , ಕಮರಿದ ಬದುಕ ಹಿಡಿದು

ಆಳದ ಮನಸಲ್ಲಿ ಉಳಿದ ದೀಪದ ಪ್ರಜ್ವಲತೆಯಲ್ಲಿ

ಮುನಿದ ಕತ್ತಲೆಗೆ ಶರಣು ಹೋದ ನಿನ್ನ ಏನನ್ನಬೇಕು ...

 

 

.......ಮಾಲಿನಿ ಭಟ್.....

ಮುಂಜಾನ ಸೊಬಗು

 

 

ಮುಂಜಾನೆ ರವಿ ಮೂಡೋ ಮುನ್ನ

ಪ್ರೀತಿಯ ಸೆರಗೊಡ್ಡಿ ,

ಕರೆದ ಸ್ವಚಂದ ಎಲೆ

ಎಲೆಯ ತಬ್ಬಿದ ಇಬ್ಬನಿಯ ಮುತ್ತು 

ನವಿರಾದ ಸ್ಪರ್ಶಕೆ ..

ನಾಚಿದ ನಿನ್ನ ...

ಪ್ರೇಮದ  ತಂಪಿಗೆ

ದಿನಕರ ಹೊನ್ನಿನ ಬೆಳಕ ನಿಡುತಿರುವನು..

 

..ಮುಂಜಾನೆಯ ಶುಭಾಶಯಗಳು ...

 

ಪ್ರೀತಿ ನೀ ದೂರ

 

ನನ್ನ ಕಂಗಳ ತುಂಬಾ ನಿನ್ನದೇ ನೋಟ

ನೀ ದೂರ ನಡೆದ ದಾರಿಯ ಗುರುತು

ಜೊತೆ ಪಯಣಿಸಿದ ಹೆಜ್ಜೆಗುರುತುಗಳು

ಆ ದಾರಿಯು ಇಂದು ಮುಳ್ಳಗರಿಕೆಯಾಗಿದೆ

ಅಲ್ಲೊಮ್ಮೆ ನಡೆದಾಡಿದರೆ ರಕ್ತ ಕಣ್ಣೀರು

ಜೀವ ತೇಯುವುದು , ಮರೆಯದ ನೋವು

ನೀ ನೀಡಿದ ಪ್ರೀತಿಯ ಕೊಡುಗೆ

 

...............ಮಾಲಿನಿ ಭಟ್.............

ಮುಸುಕ ಮಬ್ಬು ಬಾನ ತುಂಬಾ

ಕರಿಯ ಪದರು ಹೊದಿಕೆ ಅಗಲ

ಮೌನದಲ್ಲಿ ಚಂದ್ರ ಮಲಗಿ

ನಿದಿರೆ ಮರೆತು ಕಾದು ಕುಳಿತನು

ನಿಶೆಗೆ ಕಾವಲಾಗಿ ....

 

 

 

 

ಮಾಲಿನಿ ಭಟ್..........................

 

ಸರಿದಾಡದ ನೋವ ಜಾಲ

 

 

ಬಾಲ್ಯ ಜೊತೆಯಲಿ  ಕಾಲದ ಮಿಲನದಿ

ಸರಿದು ಹೋಗಿದೆ , ಕನಸ ಕಲ್ಪನೆ

 

ಒಡೆದ ಹೃದಯ ಕನ್ನಡಿ , ಹೆಣೆದಿದೆ

ಜಾಲದ ಬಲೆಯನು ಮನಸ ಗೂಡಲಿ

 

ಕಣ್ಣ ರೆಪ್ಪೆ ಮುಚ್ಚಿ ಕಣ್ಣೀರು ಅವಿತಿದೆ

ಜಗದ ಕಟೋರ  ನಿಲುವಿಗೆ

 

ಅವಿತ ಕಣ್ಣೀರು ನೋವ ಕಥೆಯ ಸಾರಿ ಹೇಳಿದೆ

ನವ್ಯ ಬೆಳಕ ತೋರಿಸೋ ಕೈಗಳು ಇಲ್ಲವಾಗಿದೆ ..

 

 

 

           ...........ಮಾಲಿನಿ ಭಟ್..................

 

 

ಒಲವ ನೆನಪಲಿ

 

 

ಹೂವಗಂಧದಿ ನಿನ್ನ ನೋಡಲು

ಕಂಪಿತೆನ್ನೆದೆ ಮೆಲ್ಲನೆ

ಜೀವ ಕರೆದಿದೆ

ಮನಸು ಅರಳಿದೆ

ಬೆಳಗು ಮೂಡಿದೆ ಕಣ್ಣಲಿ

ಹೃದಯ ತನ್ಮಯವಾಗಿದೆ

ನಗೆಯು ಹೊರಟಿದೆ ಸುಳಿಯದೇ

ತಂಪ ಗಾಳಿ ಸೋಕಿದೆ

ನೆನಪು ಮೆಲ್ಲ ಅರಳಿದೆ.

 

....ಮಾಲಿನಿ ಭಟ್ ..........

 

ಹಂಬಲ

 

 

ಜೀವದ ಬೆಸುಗೆಯಲ್ಲಿ

ಉಸಿರಿನ  ಮಿಲನದಲ್ಲಿ

ಸವಿಗನಸಿನ ಮಾಧುರ್ಯದಲ್ಲಿ

ಇಬ್ಬನಿಯ ಮಂಜಿನಲ್ಲಿ

ಸುಪ್ತವಾಗಿ ಕುಳಿತು

ಸಕಲ ನೋಡುತಿರುವ ಆತ್ಮವೇ

ನಿನ್ನ ಒಮ್ಮೆ ಕಣ್ಣಂಚಿನ ತೆರೆಯಷ್ಟಾದರೂ

ನೋಡಿ ಆಂದಿಸುವ ಹಂಬಲ ..

 

 

....ಮಾಲಿನಿ ಭಟ್.............

ಮನಸ ವೇದನೆ

ಮನಸ ಗಂಧದಿ
ಕಿರಣ ನೀನು
ನೋವ ತಬ್ಬಿ
ಅಳುವೇ ಏಕೆ
ಜೀವ ತುಂಬಿದ
ಉಸಿರ ಹಿಡಿತದಿ
ನನ್ನ ನೀ
ಕೊಲ್ಲುತಿರುವೆ
ಸಾಗು ನೀ
ನನ್ನ ಹೃದಯದಿ
ಉಳಿದು ಹೋಗಲಿ
ಶಾಂತಿ ಮಾತ್ರ
ನೀ ದೂರ ಸರಿಯದೆ
ಜೀವ ಬದುಕದು
ಕೊನೆಗೆ ಉಳಿವುದು
ನನ್ನ ದೇಹದ
ಬೂದಿ ಮಾತ್ರ ..

..........ಮಾಲಿನಿ ಭಟ್ .........

ತಂಗಾಳಿ ನಿನ್ನ ಮುದ್ದಿಸೋ .. ಆತುರ

ಕಣ್ಮನ ತಪ್ಪಿಸಿ ಅಡಗಿರಲು

ಭಾವುಕ ಮನವು ಮೆಲ್ಲನೆ ಅರಳಲು

ನಿನ್ನಯ ಸ್ಪರ್ಶವು ನನಗಿರಲು ...

 

ಸ್ನೇಹದಲ್ಲಿ ಒಂದು ಬಿರುಕು

 

 

 

ಮನದ ನಡುವೆ ಸೊಗಸಾ ಚೆಲ್ಲಿ

ಹೃದಯ ತುಂಬಾ ನಗುವ ಹರಡಿ

ಕಂಡ ಕನಸ ಕರದಿ ಹಿಡಿದು

ಸ್ನೇಹದಿಂದ ಜೊತೆಯೂ ನಿಂತ ಹೂವು ನೀನು

 

ಭಾವನೆಯ ಗೂಡವೊಳಗೆ

ಕೂಗಿ ಕರೆವ ನಿನ್ನ ದನಿಗೆ

ಅದೃಷ್ಟವು  ನನದು ಎಂದು

ಬಿಗಿಕೊಂಡೇನು

 

ಸಮಯ ಕಳೆದು   ನಿಶೆಯು ಹರಿದು

ಅಂದು ಬಂತು ನಿನ್ನ ಮನದಿ ಹೊಸದು ರೂಪವೂ

ಅರಿತ ಮನವ ಚಿವುಟಿ ಹೊರಟೆ

ನನ್ನ ಯಾವ ತಪ್ಪಿಗೆ

 

ಸ್ನೇಹಕ್ಕೆ - ಸ್ನೇಹವೆಂದು

ಭರವಸೆಯಲಿ ನಿನ್ನ ಕಲಶವಿಡಲು

ಹುದುಗಿ ನೋವ ನೀಡಿದೆ

ಭಗ್ನವಾಯಿತಿಂದು ಎನ್ನ ಹೃದಯ ದೇಗುಲ

 

 

ಅವಿತ ಮನವು ಬಿಗಿದುಕೊಂಡಿದೆ

ಎದೆಯ ನೋವು ತುಂಬಿ ನಡುಗಿದೆ

ಹೃದಯ ಕೂಗಿ ಕೂಗಿ ಕೇಳಿದೆ

ಯಾವ ತಪ್ಪಿಗೆ ಶಿಕ್ಷೆ ನೀಡಿದೆ

 

ನನ್ನ ಮನವ ಗೃಹಿಸದಾದೆ

ಕಣ್ಣ ನೀರ ಕಾಣದಾದೆ

ಸ್ನೇಹದಲ್ಲಿ ಯಾವ ಲೋಪ ನೋಡಿದೆ

ಜೊತೆಯೇ ಇರುವೆ ಎಂಬ ಮಾತು ಇಷ್ಟು ಕ್ಷಣಿಕವೇ

 

ನೋವು ನನಗೆ ಉಳಿಯಲಿ

ನೀನು ಸದಾ ನಗುತಿರು

ನನ್ನ ಹೃದಯ ಮಿಥ್ಯ ನುಡಿಯದು

ಗ್ರಹಣ ಕಳೆದು ಬೆಳಕು ಹರಿಯಲಿ ...

 

.........ಮಾಲಿನಿ ಭಟ್..............

 

 

 

ಸಂಬಂಧ

 

 

ಸೋಲಲ್ಲಿ ಕೈ ಹಿಡಿದ ಆ ಜೀವ

ಜೀವಕ್ಕೆ ಜೊತೆಯಾದ ಆ ಹೃದಯ

ಹೃದಯಕ್ಕೆ ಸಂಗಾತಿಯಾದ ಆ ಮನಸು

ಮನಸಿಗೆ ಆಧಾರವಾದ ಆ ನನ್ನ ಭಾಗ್ಯ

ಸುತ್ತಲು ಕವಿದಿರುವ ಸುಳಿ

ಸುಳಿಯ ಮೋಹಕ್ಕೆ ತನುವಿನಾರ್ಭಟ

ತನುವಿನ ಭರವಸೆಗೆ ಹೃದಯದ ಬೆಂಬಲ

ಹೃದಯ ಚಿತ್ತಾರಕ್ಕೆ  ಭಾವನೆಗಳ ಬೆಸುಗೆ

ಭಾವನೆಗಳ ತೋಟಕ್ಕೆ ನಗುವಿನ ಲೇಪನ

ನಗುವಿಗೆ ಆಧಾರ ಆ ಸ್ವಚ್ಛ ದಿಗಂತ .

 

........ಮಾಲಿನಿ ಭಟ್ ....

ಹೃದಯ ನೋವಲು , ಮೆಲ್ಲ ಬೆಳಕು ಹರಡಿದ

ಪುಟ್ಟ ಹಣತೆ , ಶ್ರಮಿಸಿದೆ  ನಿಶೆಯ ದೂರ ಸಾರಲು

ನನ್ನ ನೋವ ಮೊದಲು ಅಳಿಸಿ ,

ಜಗಕೆ ಬೆಳಕ ನೀಡುವೆ ......

 

.........ಮಾಲಿನಿ ಭಟ್ .........

 

ನನ್ನ ಜೀವನ

 

ಕನಸುಗಳ ಕನ್ನಡಿಯಲ್ಲಿ

ನನಗಾಗಿ ಬರೆದ ನಿನ್ನ ಮುಖಪುಟದಲ್ಲಿ

ನೂಲ ಎಳೆಯಷ್ಟು ಲೋಪವಿಲ್ಲ

ತಿದ್ದಿ ತೀಡಿದ ನಿನ್ನ ಬಣ್ಣದ ಚಾಕ - ಚಕ್ಯತೆಗೆ

ಬೆರಗಾಗಿ ನಿನ್ನಲೇ ನನ್ನ ಜೀವನ ಸವಿಯುವಾಸೆ ...

 

 

...........ಮಾಲಿನಿ ಭಟ್.........................

 

ತಂಗಾಳಿ ನಿನ್ನ ಮುದ್ದಿಸೋ .. ಆತುರ

ಕಣ್ಮನ ತಪ್ಪಿಸಿ ಅಡಗಿರಲು

ಭಾವುಕ ಮನವು ಮೆಲ್ಲನೆ ಅರಳಲು

ನಿನ್ನಯ ಸ್ಪರ್ಶವು ನನಗಿರಲು ...

 

 

.....ಮುಂಜಾನೆಯ ಶುಭಾಶಯಗಳು .............

ಗೆದ್ದಲು ಹುಳ

 

 

ಒಂದು ದಿನ ಮರದ ತೊಗಟೆ

ಕಳಚಿ ಬೀಳಲು

ನೋವಿನಿಂದ ಚೀರಿಕೊಂಡಿತು  

ಮೌನವಾಗಿಯೇ

 

ಅಂದು ಮಣ್ಣಕಣದಿ ಹೆಮ್ಮೆಯಿಂದ

ಬೆಳೆದು ನಿಂತಿತು

ಜಗಕೆ ಸಾರಿ ಹೇಳುತಿತ್ತು

ತನ್ನ ಕಥೆಯನು

 

ಸ್ನೇಹ ಬಯಸಿ ಬಂತು ಒಂದು ಪುಟ್ಟ ಹುಳವು

ಮುದ್ದಿನಿಂದ ಮಮತೆ ನೀಡಿ

ತನ್ನ ಒಡಲ ಕೊಟ್ಟಿತು

ಪ್ರೀತಿಯಿಂದ ಬೆಳೆಯಲೆಂದು ಸಲಹೆ ನೀಡಿತು

 

ಎಲ್ಲ ಕಾಲದಲ್ಲೂ ತೊಗಟೆಯಡಿಯಲಿ

ಮನೆಯ ಮಾಡಿತು

ಪುಟ್ಟ ಪುಟ್ಟ ಮರಿಯು ಬೆಳೆದು

ವಂಶ ಬೆಳೆಯಿತು

 

ಕೊಟ್ಟ ಮಾತ ಮರೆತು

ಮರವು ತನ್ನದೆಂದು ಹೇಳಿತು

ಮುಗ್ಧ ಮನವು ಮೌನವಾಗಿ

ಕಣ್ಣ ನೀರು  ಹರಿಸಿತು

 

ದಿನವೂ ತೊಗಟೆ ಕಳಚಿ

ಬೀಳಲು, ಮಣ್ಣಗೂಡು

ಬೆಳೆದು ನಿಂತಿತು

 

ಪುಟ್ಟ - ಪುಟ್ಟ ಭಾಗವಾಗಿ

ತಿನ್ನತೊಡಗಿತು ,ನೋವಿನಿಂದ

ಮರವು ಬಳಲಿ ಹೋಯಿತು

ತನ್ನ ತನಕೆ ತಾನು ವ್ಯಥೆಯ

ಪಟ್ಟುಕೊಂಡಿತು.......

 

 

ಶುಭಸಂಜೆಯ ಶುಭಾಶಯಗಳು......

 

.........ಮಾಲಿನಿ ಭಟ್...........

ಸೂರ್ಯ ನಲಿದನು ಬಾನ ತೇರಿನಲ್ಲಿ

ಪುಟ್ಟ ಹಕ್ಕಿಯು ತೇಲಿದೆ ಗಗನ ತಲುಪುವ ಬಯಕೆಯಲ್ಲಿ

ಹೃದಯ ಕಟ್ಟಿದೆ ದೂರದಾಸೆಯಲ್ಲಿ

ಮನದ ವಿನಂತಿ ಸಲ್ಲಿಸುವಲ್ಲಿ

ವಿಶ್ವಮಂದಿರ ಸೊರಗಿದೆ   ಬಿಸಿಲ ಆರ್ಭಟದಲ್ಲಿ

ತಂಪ ಸ್ಪರ್ಶವ ನೀಡು ದೇವನೇ ..

ಇದುವೇ ಪುಟ್ಟ ಮನಸಿನ ಪ್ರಾರ್ಥನೆ ...

 

ಜನ್ಮ ಸಾರ್ಥಕ

 

 

ಬಂಗಾರದಿ  ಬರೆದ ಜೀವದ ಅಂಕುರ

ಮೋಹದ ಕವಚದಿ ದೀಪ್ತಿಯ  ಶ್ರವಣ

ಛಾಯೆಯ ಆಶ್ರಯದಿ ಕರ್ಮದ ಫಲವು

ನಿತ್ಯ ಶ್ರವಣದಿ ಚೈತನ್ಯದ ಹೊಳಪು

ಪೂಜ್ಯ ವಂದನೆಗೆ ಬ್ರಾಹ್ಮಣ ಹೆಸರು

ಪ್ರವಚನದಿ ದುಃಖವು ದೂರ

ಚಿತ್ತಶುದ್ಧಿಗೆ ದೇವರ ನಾಮ

ಸಂಪತ್ತಿನ ಹರಿವು ವೀನೀತ ಮನಸು

ಮುಕ್ತಿಯ ಆರಾಧನೆಗೆ ದೃಢತೆ

ತಾಂತ್ರಿಕ ಜಾಲ ಕಾಲದ ಹಿರಿಮೆ

ಜನ್ಮಕೆ ವರದಾನ ಉತ್ತಮ ಮನಸು ...

 

(ಬ್ರಾಹ್ಮಣ ಎಂದರೆ ಸಕಲ ಜೀವಿಗಳಿಗೂ ಒಳ್ಳೆದನ್ನು ಉಂಟುಮಾಡುವವನು ಎಂದರ್ಥ )

 

.......ಮಾಲಿನಿ ಭಟ್ .........

ಮನದೊಳಗೆ ಮುಗಿಬಿದ್ದಿರುವ ನೋವ ಸರಪಳಿಗೆ

ಬಂಧನವ ಕಳಚಲಾಗದೆ , ಸುತ್ತುವರಿದಿರುವ ಬೇಲಿಗೆ

ತುಟಿಯ ಅಂಚಿನಲ್ಲಿ  ಮೂಡಿದ ನಗುವ ಹೊನಲಿಗೆ

ಉತ್ತರ ಸಿಗಲಾರದೆ , ಬಾನ ನೋಡುತಿರುವ ಮರುಳ ಮನಸಿಗೆ

ಬೇಸರಿಸದೆ ನಡೆ ಮುಂದೆ ಎಲ್ಲ ಕಷ್ಟವ ಮೆಟ್ಟಿ ನಿಲ್ಲುತ ..

 

..ಮುಂಜಾನೆಯು ಎಲ್ಲರಿಗೂ ಶುಭವನ್ನೇ ತರಲಿ  .............

 

ಮುದುರಿಕೊಂಡು ಚಾಪೆ ಮೇಲೆ ಮಲಗಿಕೊಂಡಿರುವ 

ಸಾವಿರ ಕನಸುಗಳೊಂದಿಗೆ , ಕಮರಿದ ಬದುಕ ಹಿಡಿದು

ಆಳದ ಮನಸಲ್ಲಿ ಉಳಿದ ದೀಪದ ಪ್ರಜ್ವಲತೆಯಲ್ಲಿ

ಮುನಿದ ಕತ್ತಲೆಗೆ ಶರಣು ಹೋದ ನಿನ್ನ ಏನನ್ನಬೇಕು ...

ಮುನಿಯದಿರು ಇಳೆಯೇ, ನಿಮ್ಮ ಕಂದಗಾಗಿ

ನಿನ್ನ ನೀ ಕಂಪಿಸದಿರು , ಸಾಗರದಿ ಅಲೆಯ ಏಳಿಸದಿರು

ನಮ್ಮೆಲರ ತಾಯಿ ನೀ , ನಮ್ಮ ತಪ್ಪ ಮನ್ನಿಸಲಾರೆಯ

ನಿನ್ನ ಒಡಲ ವೇದನೆಯ ಅರಿತು ಮೂರ್ಖರಾಗಿರಲು

ನಮ್ಮ ಮನಸು ನೀನು ತಿಳಿಯಲಾರೆಯ

ನೋಡಲ್ಲಿ ಬಾನ, ಸೂರ್ಯನು ಪ್ರತಿದಿನ ಬೇಸರಿಸದೆ

ಜೀವ ಬೆಳಕ ನೀಡುತಿರುವನು

ಆ ಗಾಳಿ ನೋಡು ಸದಾ ತಂಪ ಸ್ಪರ್ಶ ಮಾಡುತಿರುವುದು

ಈ ದಿನವು ಶುಭವನ್ನೇ ಕೋರು ತಾಯಿ ನಿನ್ನ ಮಕ್ಕಳಿಗಾಗಿ ...

 

......ಶುಭಮುಂಜಾನೆಯ  ಶುಭಾಶಯಗಳು...........................

 

.          .........ಮಾಲಿನಿ ಭಟ್ .................

 

ತಪ್ಪು ಕಲ್ಪನೆ

 

 

ಬದುಕಿನ ಹುಡುಕಾಟದಲ್ಲಿ , ಜಾರಿದ ಕಣ್ಣಿರಲ್ಲಿ

ನೋವಿನ ಸರಪಳಿ ಅಪ್ಪಿ  ಮಿಸುಕಾಡಲು ಬಿಡದೆ

ದಿನ- ದಿನ ಅಧಿಕ , ಸಹಿಸಲಾರದ ಬಾಧೆಯಲ್ಲಿ 

ಸಂಬಂಧಗಳ ಕೊಂಡಿ ಕಳಚದೆ

 

 

ಭಾವನೆಗೆ ಸ್ಪಂದಿಸಲು , ಹೊಸ ಮಾರ್ಗದಲ್ಲಿ

ಕಮರಿದ ಕನಸಿಗೆ , ಜೀವಸೆಲೆ ನೀಡಲಾಗದೆ

ಸ್ವಚ್ಛ ಮನಸಿನ ಕನ್ನಡಿಯು ಅನುಮಾನದಲ್ಲಿ

ಸಾಗರದಾಚೆ ಸೇರಲು ಆಗದೆ 

 

 

ಮನಸಿನ ಬಿಗುಮಾನ , ದರ್ಪದಲ್ಲಿ 

ಸೋಲದ ಹಟದ ಜಾಣತನದಲ್ಲಿ

ಹೃದಯದ ಮೌನ ವೇದನೆಯಲ್ಲಿ

ಚಿವುಟಿದ ಕರಾಳ ಮುಖದಿ

 

 

ಯಾರ ಅನುಮಾನವೋ , ಯಾರ ಅರಿಕೆಯೋ

ತಪ್ಪು ನಡೆದಿದೆ , ವಿಧಿಯ ಇಚ್ಚೆಯಂತೆ

ಮನಸುಗಳು ದೂರ ದೂರ

ಸನಿಹದ ಮಾತು , ಬಡವಾಗಿದೆ

 

 

ನೋವ ಹೇಳಲು ಬಂದ ಜೀವಕೆ

ಕಾರಣವೇ ತಿಳಿಯದೆ , ಸುಸ್ತಾಗಿದೆ

ಸ್ನೇಹದ ಸೌಧ ಕುಸಿದಿದೆ

ಚಿಕ್ಕ ತಪ್ಪು ಗೃಹಿಕೆಯಿಂದ..

 

 

ದೇವರ ಸಂಕಲ್ಪ ಹೇಗಿದೆಯೋ

ವಿಶಾಲ ಜೀವನದಲ್ಲಿ

ಹೆಜ್ಜೆಗುರುತುಗಳು ಅಮೂಲ್ಯ

ಎಲ್ಲ ಜ್ಞಾನದ ಸಂಕೇತ ....

 

....ಮನಸಿನ ಚಿತ್ರಪಟದಲ್ಲಿ ನಾವು ಎಣಿಸಿರುವುದೇ ಒಂದು ,ವಿಧಿಯ ಕೈವಾಡವೇ ಇನ್ನೊಂದು ,..  ಅರಿತೋ ಅರಿಯದೆಯೋ ಜೀವನದಲ್ಲಿ ಅಲ್ಲಲ್ಲಿ  ಅನುಮಾನಗಳು , ತಪ್ಪು ಕಲ್ಪನೆ ಹುಟ್ಟುವುದು ಸಹಜ .. ಇವುಗಳನ್ನು ಮೆಟ್ಟಿ ನಿಲ್ಲುವುದೇ ನಿಜವಾದ ಸ್ನೇಹ .....             ಮಾಲಿನಿ ಭಟ್ .......................

 

 

 

 

 

 

 

 

 

 

 

 

ಮದುಮಗಳ ತಾಯಿ ವೇದನೆ

ಇಂದಿನ ದಿನ ಶುಭದಿನ , ಶುಭಕರ

ಮಾಂಗಲ್ಯದಿನ ನಮ್ಮ ಕುವರಿಗೆ

ಹೊಳೆಯುತಿಹಳು ಕೆಂಪಾದ ಮುಖದಲಿ

ನೂರೊಂದು ಆಸೆಯಲಿ

ಕರಗಿಹಳು ಪ್ರೀತಿಸಾಗರದಲಿ

ತಾಯ ತೊಡೆಯಲಿ ಬೆಳೆದ

ಮುತ್ತಿನ ಕಣ್ಣುಗಳಿಗೆ

ತಿಳಿಯದು ಜೀವನದ

ಸುಖ ದುಃಖಗಳು

ಹೊರಟಿಹಳು , ಬಾಳ ನೌಕೆ ಎಳೆಯಲು

ಅರಿಯಲು ಕಷ್ಟ ಸಾಗರವ

ತಿಳಿಯಲು ಬೆರೆಯುವ ಗುಣವ

ಸಾಗಿಹಳು ಸಾಹಸ ಯಾತ್ರೆಗೆ

ಯೌನದ ಬಿಸಿರಕ್ತದಲಿ

ಮೂಡುತಿದೆ ಆತ್ಮವಿಶ್ವಾಶ

ಹೇಗಿರುವಲೋ ಗಂಡನ ಜತೆ

ಸಿಗಲಿ ದೇವರೇ ತಾಯಂತ ಅತ್ತೆಯು

ಸುಖದಲುಳಿಯಲಿ  ನೂರ್ಕಾಲ

ಪತಿಯ ಜೊತೆ

ಬೆಳಗಲಿ ಜ್ಯೋತಿಯಂತೆ ಮನೆಯ

ಪಡೆಯಲಿ ತಾಯಿ ಸುಖವ

ಇರಲಿ ಎಂದೆಂದೂ ಅನ್ಯೋನ್ಯ ಬಾಳ್ವೆಯಲಿ

ಕಣ್ತುಂಬ ನೋಡುವೆವು

ಮಗಳ ಕುಸುಮ ಮುಖವ ...

....ಮಾಲಿನಿ ಭಟ್ .............

ಬೇಲಿಯ ಮೇಲಿನ ಹೂವು

 

 

ಬೇಲಿಯ ಮೇಲಿನ ಹೂವು ಕಾದಿದೆ

ಜಗದ ಪ್ರೀತಿಯ ಬೆಳಕಿಗೆ

 

ಮೋಸ ಸೆಳೆದ ಕಪಟಕೆ

ರಕ್ಷೆ ಇಲ್ಲದೆ ನಲುಗಿದೆ

 

ದಿನವೂ ಕಾದು , ಕಾದು ಸುಪ್ತ ಮನವು ತಲ್ಲಣಿಸಿದೆ

ಶವದಂತಾಗಿದೆ  , ನೋವ ಹೊರಲಾಗದೆ

 

ಬೇಲಿ ಹೂವು , ಕಂಪು ಸಿಗದೇನು?

ರಸದ ಜೇನು ನನ್ನಲ್ಲಿಲ್ಲವೇನು ?

 

ನನ್ನಲ್ಲೇನು ತಪ್ಪು ಹುಡುಕಿದೆ , ಯಾವ ಜೀವಿಗೂ ಬೇಡವಾದೆ

ಸೃಷ್ಟಿದಾತ  ಸಿಗಲಿ ನನಗೆ ಕೇಳುವೆ ಇದರ ಮರ್ಮವ

 

ನನ್ನ ಸೌಂದರ್ಯ ಕಡಿಮೆಯೇನು ?

ದೇವ ಅಡಿಗೂ ದೂರವಾದೆ , ನನ್ನಲೇನು ಪಾಪವಿದೆ ...

 

................ಮಾಲಿನಿ ಭಟ್ ...

 

 

 

 

 

 

 

 

 

ಮುಖದ ಮೇಲೆ ತುಂಬಿ ನಲಿದ ಹನಿ- ಹನಿ ನೀರ ಗುಚ್ಚದಲ್ಲಿ

ಉಳಿದು ಹೋದ ಸಾವಿರ ಮನಸಾ ವೇದನೆಯಲ್ಲಿ 

ಬಾನು ನೋಡಲು ಉತ್ತುಂಗದಲ್ಲಿ ಸರಿದಾಡಿದ ಮೋಡ 

ದಿನಕರನು ಮುನಿದು ತನ್ನ ಗೃಹವ ಸೇರುತಿರಲು 

ಹೊಸ   ತಂಗಾಳಿ ಬಿಸಿ ಬರಲಿ  .. ಸಕಲ ವಿಶ್ವದ ಒಳಿತಿಗೆ ..

 

 

..........ಶುಭಸಂಜೆಯ  ವಿದಾಯ .. ಗೆಳಯ / ಗೆಳತಿಯರೆ ..........

ಅಮ್ಮ ನಿನ್ನ ಮಡಿಲು

ಅಮ್ಮ ನಿನ್ನ ಮಡಿಲು ನನಗೆ ಪ್ರೀತಿಯ ಹೂಗೊಂಚಲು

ನಿನಗೆ ಋಣಿಯು ನಾ , ಬಾಳ ಕೊನೆಯ ಅಂಚಲು

ಜೀವ ತೇದು , ನಿನ್ನ ಮರೆತು ನನಗೆ ಜನ್ಮ ಕೊಡಲು

ಉಸಿರಿನಲ್ಲಿ ಉಸಿರ ಹುದುಗಿಸಿ , ಮಮತೆ ನೀಡಲು

ಜಗದ ಕಷ್ಟ ಅರಿಯದಂತೆ , ನಿನ್ನ ಹೃದಯದಲ್ಲಿ ಜಾಗ ನೀಡಿದೆ

ಅಮ್ಮ ಎಂಬ ತೊದಲು ನುಡಿಯು ಮನಕೆ ಹರ್ಷ ಕೊಟ್ಟಿದೆ ..

.............ಮಾಲಿನಿ ಭಟ್...

ಒಂದು ಗುಲಾಬಿಯ ಗಿಡ ನೆಡಲು ನಾನಂದು

ಮನಸಾರೆ ಹೂವ ನೀಡಿ ಕರೆಯುತಿದೆ  ಇಂದು

ಇರುವ ಒಂದು ದಿನವ , ನಮಗಾಗಿ ನೀಡುತಿದೆ

ಎಂತಹ ನಿಸ್ವಾರ್ಥ ಗುಣ .....

ಮನುಜನಿಗೆ ಒಂದು ಪಾಠವಾಗಬಲ್ಲದೆ ...

ಕಾಡಿದನು ಗೆಳಯ

ಕನಸುಗಳ ಕಟ್ಟೆಯಲ್ಲಿ  ಮಡುಚಿದ ಮೌನ ಗೆರೆಯಲ್ಲಿ

ನಿನ್ನೊಂದು ಮೆಲುನುಡಿಗಾಗಿ ತವಕದಲ್ಲಿ

ನದಿಯಲೆ ತೆವಳುವ ಸಪ್ಪಲದಲ್ಲಿ

ಮರಳ ಕಣಗಳು ಹನಿಗೂಡೋ ಚಿತ್ರಣದಲ್ಲಿ

ನಡೆವ ಹಾದಿಯಲಿ , ಹೂವ  ಕನಸಲ್ಲಿ  

ಬದುಕು ಸಾಗಿದ ಮಧುರ ಪಟದಲ್ಲಿ

ಸುಪ್ತವಾಗಿ ಹುದುಗಿದ ಒಲವ ಮಂಟಪದಲ್ಲಿ

ಹೊಳೆವ ನಯನದಲ್ಲಿ ನೆನಪಾದ ಮುಗ್ಧತೆಯಲ್ಲಿ

ಕಾಡಿದನು ಗೆಳಯ ಹೃದಯ ಪರ್ವತದಲ್ಲಿ 

ಕಾಡಿದನು ಗೆಳಯ ಉಸಿರ ಗಂಧದಲ್ಲಿ ..

.........ಮಾಲಿನಿ ಭಟ್...

ಪ್ರಕೃತಿಯ ಕೋಪವು

ಮರಳ ತಡಿಯಲಿ ಕನಸ ಹೆಣೆಯಲು ಅಲೆಗೂ ನನ್ನಲಿ ಕೋಪವು

ರಭಸವಾಗಿ ಬಿಸಿತೊಮ್ಮೆ , ಕಣ್ಣ ಕುಕ್ಕಿಸೋ ಕಿರಣವು

ಮಬ್ಬು ಕವಿದು ಕಣ್ಣು   ಕ್ಷೀಣ ನೋಟವ ಬೀರಲು

ಅಸ್ಪಷ್ಟ   ಚಿತ್ರದಿ ಬದುಕು ನೀರಲಿ ಮುಳುಗಲು

ಹುಡುಕಿದೆ ಬಿಡದ ಪ್ರಯತ್ನ ನೀರ ತಡಿಯಲಿ

ಮತ್ಸ್ಯಗಳು ಜೊತೆ ವಿಭಿನ್ನ ಪರಿಶ್ರಮದಲಿ

ಆಳವಿಳಿದಂತೆ ಹೃದಯ ಬಡಿತ ನಾಗಾಲೋಟದಲಿ

ಬದುಕು ಅರಸಿ , ವಿಚಿತ್ರ ಕೂಪದಲಿ

ಸಿಗುವುದೇ ನನ್ನ ಕನಸಿನ  ಚಿತ್ರಪಟ

ಬರಿಗೈ ಯಲ್ಲಿ ಬಂದು ಬಿಟ್ಟಿದ್ದೇನೆ

ಸಾವಿರ ಕನಸಿನ  ಬದುಕಿನ ತೋಟ

ದೇವರೇ ನಿನ್ನನ್ನು ನಂಬಿದ್ದೇನೆ ...

...........ಮಾಲಿನಿ ಭಟ್ ..........

ಸೃಷ್ಟಿಯ ಕೊಡುಗೆ

ಭಾವ ಹಲವು  ಜೀವ ಒಂದೇ

ದನಿಯು ಹಲವು ಜೊತೆಗೆ ಮಾತ್ರ ಯಾರು ಇಲ್ಲ

ಕರುಳ ಬಳ್ಳಿಯ ಕಡಿದು ಬಂದೇವು

ಮತ್ತೆ ಮತ್ತೆ ಸ್ವಾರ್ಥ ದ ಜೊತೆ

ಭುವಿ , ನೀರು, ಗಾಳಿಯ ಜೊತೆ ;

ಪ್ರತಿದಿನ ಆಡಿದೆವು ಆಟವ,

ಒಂದೇ ಗುರಿ ಮನುಜಗೆ

ಮುಗಿಯದ ಆಸೆಗೆ .. ಮತ್ತಿಸ್ಟು ಬೆಸುಗೆ ಲೇಪನ ...

 

ಮನುಜನ ಆಸೆಗೆ ಎಂದು ಮುಕ್ತಾಯ

ಉಳಿಯುವುದೇ ಸೃಷ್ಟಿಯ ಕೊಡುಗೆ ..

 

 

 

ಹೊಸ ಸಂಬಂಧ

ಜೀವ ತುಡಿದು ಸೆಳೆಯಿತು ಹೊಸದು ಬಂಧಕೆ

ಹೃದಯ ಬಯಸಿ  ಬೆಳೆಯಿತು,ಭಾವ ವೀಣೆ ಮಿಡಿತಕೆ

ದೀಪ ಬೆಳಕು ಪ್ರಜ್ವಲಿಸಿತು , ಉರಿದು ಹೋಗೋ ಕೊನೆಯ ಹಂತಕೆ

ಮೂರ್ಖ ತನದಿ ಕನಸ ನೆಟ್ಟಿತು , ನವ್ಯತೆಯ ಭಾವಕೆ

ಬೇಡವೆಂದರೂ ಬೆಳೆಯ ಹತ್ತಿತು ಮನದ ಮಲ್ಲಿಗೆ ಗೂಡಲಿ

ಸೆಳೆಯಿತು ಭವಿಷ್ಯದ ಕನಸ ನಿರ್ಮಾಣದಲಿ

ಮೌನದಲ್ಲೇ ಅರಳಿತು , ಕಂಡ ಕನಸ  ಬೆಳಕಲಿ

ಹೊತ್ತಿತು ಹೊಸ ಕ್ರಾಂತಿ ಮನಸಿನ ತೊಯ್ದಾಟದಲಿ

ಭರವಸೆಯು ಚಿಲುಮೆಯಾಗಿ ಸೇರಿತು , ಮುಗ್ಧ ಮನದಲ್ಲಿ

ನೇಯ್ದ ಗೂಡು , ಬಣ್ಣದ ಲೇಪನದಲ್ಲಿ

ಮುಗಿಲ ಮಲ್ಲಿಗೆ ಸುಂದರ ಮಾಲೆಯಲ್ಲಿ

ಸುಂದರ ಸಂಬಂಧಕೆ ಅಲೆಯಾಗಿ ಹಾಡ ಗುನುಗುತಿತ್ತು ...

...........ಮಾಲಿನಿ ಭಟ್...............

ಜೀವಜಲ

ಬಿಸಿಲು ಕಾದು ನೆಲವು ಬರಿದಾಗಿದೆ

ಹಸಿರು ಮೊಳಕೆ ಅಲ್ಲೇ ಕರಗಿದೆ

ಜೀವಸೃಷ್ಟಿ ನೊಂದು ಕೊರಗಿದೆ

                 ಪುಟ್ಟ ಮನವು ಕರೆದಿದೆ

ಬರಡು ನೆಲದಿ , ಜೀವ ಸೆಲೆಯು ಉಕ್ಕಲಿ

ಬತ್ತಿ ಹೋದ ಮನಸಿನಲ್ಲಿ ಹೂವ ನಗುವು ಚೆಲ್ಲಲಿ

ಅಮೃತಧಾರೆ ನೀಡಲಿ ...

                          ಪುಟ್ಟ ಜೀವ ಬಯಸಿದೆ

ಜಲವು ನಮಗೆ ಅನ್ನದಾತ

ಜಲವು ನಮಗೆ ಜೀವಕಲ್ಪ

ಜಲವೇ ನಮ್ಮ ಭಾಗ್ಯದಾತ

                     

                           ಜೀವ ಜಲವ ಆವರಿಸಿದೆ

ಕಾಡು ಕಡಿದು , ನಾಶವಾಯ್ತು ವನದ ತಪ್ಪಲು

ಜೀವ ಕೋಟಿ ಮನದಿ ಶಾಪ ಇಟ್ಟರು

ಮೇಘರಾಜ ಹೆದರಿ ನಭದಿ ಹೊಕ್ಕಲು

                         

                             ಜಲಕೆ ವಿನಂತಿ  ತಲುಪಿದೆ

ವನವ ಬೆಳೆಸಿ , ಜೀವಶಕ್ತಿ ಉಳಿಸಿ

ನಾಶಮಾಡಿ ಕೊರಗದಿರು , ..

 ...........ಮಾಲಿನಿ ಭಟ್....

                          

ಆಸರೆ

ಸುಕ್ಕುಗಟ್ಟಿದ  ತನುವ ಎಳೆಯಲಿ
ಮಂಜಹನಿಯು ಶೂನ್ಯ ನೆಟ್ಟಿದೆ
ಬತ್ತಿಹೋದ ಕಣ್ಣ ಕಂಬನಿಯಲಿ
ಮೌನವಾಗಿ ಕಾದು ಕುಳಿತಿದೆ
                                   ಹೊಸದು ಆಸರೆಯೊಂದಕೆ

ಬಯಲು ದಾರಿಯು ಕಠಿಣವಾಗಿದೆ
ಸೆರೆಯ ಜಾಲವು ಅಪ್ಪಿಕೊಂಡಿದೆ
ಮಮತೆ ಪ್ರೀತಿಯು ಅಳಿಸಿಹೋಗಿದೆ
ಮನದ ವೇದನೆ ಮುಗಿಲು ಮುಟ್ಟಿದೆ
                                     ಜೀವ ಕಾದಿದೆ ಮಿಂಚುದೀಪಕೆ
ಹಗಲು ಅಳಿದು ಇರುಳು ಮುಟ್ಟಿದೆ
ನಗುವು ಕಳೆದು ದುಃಖ ತಬ್ಬಿದೆ
ವಾಸ್ತವ ನೋವ ಸ್ತುತಿಯ ಬಿಗಿದಿದೆ
ತಾಳ್ಮೆ ಕಾದು ಕುಳಿತಿದೆ
                             ಕಪ್ಪು ಕನಸು ಬೆನ್ನ ಜೊತೆಗಿದೆ
ಬಾಡಿದಂತ ಮೂಖವು ಸಾರಿದೆ
ತೊದಲು ನುಡಿಯು ಮರೆತುಹೋಗಿದೆ
ಮಂಜು ತಗುಲಿದ ನಯನ ಕಾದಿದೆ
ರೋಸಿ ಹೋದ ಜೀವ ನೆನೆದಿದೆ
                                  ದಿನವೂ ಕಾದಿದೆ ಪುಟ್ಟ ದೀಪಕೆ 
ಜೀವ ಸೆಳೆದ ಆ ದಿನ 
ಜೊತೆಗೆ ಇದ್ದರು ಬಹುಜನ 
ಹುದುಗಿ ಹೋದ  ಕಾಲಕೆ
ನೆನಪು ಒಂದೇ ಕಾಣಿಕೆ
                          ನೀರವ ಮೌನ ಅನುಕ್ಷಣ ಪುಟ್ಟ ಮಿಂಚು ಬರದೆ ....