ಬೇಲಿಯ ಮೇಲಿನ ಹೂವು

 

 

ಬೇಲಿಯ ಮೇಲಿನ ಹೂವು ಕಾದಿದೆ

ಜಗದ ಪ್ರೀತಿಯ ಬೆಳಕಿಗೆ

 

ಮೋಸ ಸೆಳೆದ ಕಪಟಕೆ

ರಕ್ಷೆ ಇಲ್ಲದೆ ನಲುಗಿದೆ

 

ದಿನವೂ ಕಾದು , ಕಾದು ಸುಪ್ತ ಮನವು ತಲ್ಲಣಿಸಿದೆ

ಶವದಂತಾಗಿದೆ  , ನೋವ ಹೊರಲಾಗದೆ

 

ಬೇಲಿ ಹೂವು , ಕಂಪು ಸಿಗದೇನು?

ರಸದ ಜೇನು ನನ್ನಲ್ಲಿಲ್ಲವೇನು ?

 

ನನ್ನಲ್ಲೇನು ತಪ್ಪು ಹುಡುಕಿದೆ , ಯಾವ ಜೀವಿಗೂ ಬೇಡವಾದೆ

ಸೃಷ್ಟಿದಾತ  ಸಿಗಲಿ ನನಗೆ ಕೇಳುವೆ ಇದರ ಮರ್ಮವ

 

ನನ್ನ ಸೌಂದರ್ಯ ಕಡಿಮೆಯೇನು ?

ದೇವ ಅಡಿಗೂ ದೂರವಾದೆ , ನನ್ನಲೇನು ಪಾಪವಿದೆ ...

 

................ಮಾಲಿನಿ ಭಟ್ ...