Monday 16 April 2012

ಗೆದ್ದಲು ಹುಳ

 
 
ಒಂದು ದಿನ ಮರದ ತೊಗಟೆ
ಕಳಚಿ ಬೀಳಲು
ನೋವಿನಿಂದ ಚೀರಿಕೊಂಡಿತು  
ಮೌನವಾಗಿಯೇ
 
ಅಂದು ಮಣ್ಣಕಣದಿ ಹೆಮ್ಮೆಯಿಂದ
ಬೆಳೆದು ನಿಂತಿತು
ಜಗಕೆ ಸಾರಿ ಹೇಳುತಿತ್ತು
ತನ್ನ ಕಥೆಯನು
 
ಸ್ನೇಹ ಬಯಸಿ ಬಂತು ಒಂದು ಪುಟ್ಟ ಹುಳವು
ಮುದ್ದಿನಿಂದ ಮಮತೆ ನೀಡಿ
ತನ್ನ ಒಡಲ ಕೊಟ್ಟಿತು
ಪ್ರೀತಿಯಿಂದ ಬೆಳೆಯಲೆಂದು ಸಲಹೆ ನೀಡಿತು
 
ಎಲ್ಲ ಕಾಲದಲ್ಲೂ ತೊಗಟೆಯಡಿಯಲಿ
ಮನೆಯ ಮಾಡಿತು
ಪುಟ್ಟ ಪುಟ್ಟ ಮರಿಯು ಬೆಳೆದು
ವಂಶ ಬೆಳೆಯಿತು
 
ಕೊಟ್ಟ ಮಾತ ಮರೆತು
ಮರವು ತನ್ನದೆಂದು ಹೇಳಿತು
ಮುಗ್ಧ ಮನವು ಮೌನವಾಗಿ
ಕಣ್ಣ ನೀರು  ಹರಿಸಿತು
 
ದಿನವೂ ತೊಗಟೆ ಕಳಚಿ
ಬೀಳಲು, ಮಣ್ಣಗೂಡು
ಬೆಳೆದು ನಿಂತಿತು
 
ಪುಟ್ಟ - ಪುಟ್ಟ ಭಾಗವಾಗಿ
ತಿನ್ನತೊಡಗಿತು ,ನೋವಿನಿಂದ
ಮರವು ಬಳಲಿ ಹೋಯಿತು
ತನ್ನ ತನಕೆ ತಾನು ವ್ಯಥೆಯ
ಪಟ್ಟುಕೊಂಡಿತು.......
 
 
ಶುಭಸಂಜೆಯ ಶುಭಾಶಯಗಳು......
 
.........ಮಾಲಿನಿ ಭಟ್...........

No comments:

Post a Comment