ನನಗಾರು ಎಂಬ ಅರಿವಿಲ್ಲ
ನನ್ನವರ ನಾನರಿಯೆ
ಜಗವು ನನ್ನರಿಯದು
ಒಂಟಿತನ ನನಗಿಲ್ಲ
ಸ್ವಚ್ಛತೆ ತಿಳಿದಿಲ್ಲ
ತಾಯಿಯ ನಾ ಕಾಣೆ
ಗುರುವು ದೊರೆತಿಲ್ಲ
ಅಕ್ಷರ ಜ್ಞಾನ ತಿಳಿದಿಲ್ಲ
ಹಸಿದಾಗ ಸಿಗುವ ಸಂಗಾತಿ
ಕಸದ ಬುಟ್ಟಿಯ ನಾ ಮರೆಯಲಾರೆ
ತಿಪ್ಪೆ ನೀಡಿದ ಸತ್ವವ ನಾ ಇನ್ನೂ ಮರೆತಿಲ್ಲ
ಆ ದೇವಗೆ ನನ್ನಲ್ಲಿ
ಅದೇಕೋ ಪುಟ್ಟ ಪ್ರೀತಿ
ಪ್ರಪಂಚ ಅರಿಯದ ಕಂದಮ್ಮನೆಂಬ ಮಮತೆ
ಯಾರಿಲ್ಲದಿದ್ದರೂ ಪ್ರತಿದಿನ
ಸಲಹುವನು ಆ ಸೃಷ್ಟಿಕರ್ತನು ...
No comments:
Post a Comment