ಮನದ ಮೂಲೆ
ಮನದ ಮೂಲೆಯಲ್ಲಿ
ಬೆಚ್ಚಗೆ ಮುದುಡಿದೆ
ಕಟ್ಟಿದ ಸಾವಿರ ಕನಸಲ್ಲಿ
ಹುಚ್ಚಾಗಿ ಅವಿತಿದೆ
ಬಯಕೆಯ ಬಳ್ಳಿಯಲ್ಲಿ
ಹೊಸದಾಗಿ ಹೆಣೆದ ಗೂಡಿದು
ಕಣ್ಣ ರೆಪ್ಪೆಯಡಿಯಲ್ಲಿ
ಮುದ್ದಾಗಿ ನಲಿದಿದ್ದು
ಅರಸಿ ಹೋದ ಹೊಸ ಸಂಬಂಧದಡಿಯಲ್ಲಿ
ಇಂದು ಮೂಕವಾಗಿ ಅತ್ತಿದೆ
ಬಂಧದ ಭಾವನೆಗಳಲ್ಲಿ
ಸರಪಳಿಯು ಬಿಗಿದುಕೊಂಡಿದೆ
ಜೋಪಾನದಿ ತೆರೆದಿಟ್ಟ ಮನದಲ್ಲಿ
ಬರಿಯ ಮೌನ ಉಳಿದಿದೆ ....
ಮನದ ಮೂಲೆಯಲ್ಲಿ ಒಳ್ಳೊಳ್ಳೆ ಕವನಗಳಿವೆ ಕನಸುಗಳಿವೆ.....
ReplyDeleteಒಂದೊಂದಾಗಿ ಮೂಡಿ ಬರಲಿ........