Monday 5 March 2012

ನೀನು ಯಾರು ?..

 
 
ಕನಸ ಗೂಡು ಹೆಣೆದು
ಮನದಿ ಪದವ ಬಿಡಿಸಿ
ಮೌನವಾಗಿ ಬೆಸೆದು
ಅವ್ಯಕ್ತವಾಗಿ ನಿಂತ ನೀನು ಯಾರು ?
 
ಕಣ್ಣ ಸನ್ನೆ ಅಗಲಿ
ಬಿಂಬ ಚಂದ ತೀಡಿ
ಲಕ್ಷ್ಯದಿಂದ ಜನ್ಮ ತಾಳಿತು
ಅಣುವಿನಲ್ಲು  ಬೆರೆತು ನಿಂತ ನೀನು ಯಾರು ?
 
ಹಲವು ನಿರೀಕ್ಷೆ
ಬೇರು ಪಡೆದ ಜೀವ
ನೆತ್ತರಲ್ಲೂ ಸಂದೇಶ
ಸಂಕೀರ್ಣವಾಗಿ ಉಳಿದು ಹೋದ ನೀನು ಯಾರು ?..
 
ಗರ್ಭದಲ್ಲಿ ವಿಶ್ವಾಸ 
ಶುದ್ಧ ಫಲವು ಪ್ರಾಣಕೆ 
ಮೌಲ್ಯಯುಕ್ತ ಆಜ್ಞೆಯು 
ಸಿದ್ಧಾಂತದಲಿ ಕರಗಿ ಹೋದ ನೀನು ಯಾರು ?...
 
.....ಮಾಲಿನಿ ಭಟ್ ...........
 
 
 
 
 

No comments:

Post a Comment