ಅತ್ಯಾಚಾರದ ಸುಳಿ 

ಇದೇನಿದು ಮೂಕವೇದನೆ
ಇದೇನಿದು ಭಾವಸೂಚನೆ
ಕಣ್ಣಿನ ಹೊಳಪೆಲ್ಲಾ ಸವೆದಿದೆ
ಮುದ್ದು ಮುಖವು ಕಮರಿದೆ 
                                ಯಾರಿಲ್ಲಿ ಸ್ಪಂದಿಸುವರು ನೋವಿಗೆ.||
ಉಸಿರಾದ  ಬದುಕೀಗ  ಬಳಲಿದೆ
ಕನಸೆಲ್ಲಾ ಜೊತೆಗೂಡಿ ಕರಗಿದೆ
ಬೆಳಕು ಹಚ್ಚೊಮೊದಲು ದೀಪ ಆರಿದೆ
ನೋವೆಲ್ಲಾ ಒಂದಾಗಿ ಮುತ್ತಿದೆ.
                               ಯಾರಿಲ್ಲಿ ಸ್ಪಂದಿಸುವರು ನೋವಿಗೆ.||

ಹಸಿಯಾದ ದೇಹ ಸೆಳೆದಿದೆ
ಕಾಮುಕರು ಒಂದೆಡೆ ನಿಂತರು
ಪೈಶಾಚಿಕ ಕೃತ್ಯ ಎಸೆದರು
ಖಡ್ಗವಾಗಿ ಒಬ್ಬೊಬ್ಬರು ತಿವಿದರು
                               ಯಾರಿಲ್ಲಿ ಸ್ಪಂದಿಸುವರು ನೋವಿಗೆ.||

ಹೆಣ್ಣಾದ ತಪ್ಪಿಗೆ ಶಿಕ್ಶೆಯೇ
ಕಾಮದ ತೃಷೆಯೇ ತೀರದೇ
ಪ್ರಾಣಿಗಿಂತ ಕೀಳಾದನೇ ಮಾನವ
ಪುಟ ಪುಟದಿ ಅಚ್ಚಾಗಿದೆ ಈ ದುರಂತ
                               ಯಾರಿಲ್ಲಿ ಸ್ಪಂದಿಸುವರು ನೋವಿಗೆ.||

ಸಾವಿನ ಬಾಗಿಲು ತೆರೆದಿತ್ತು
ಬದುಕುವ ಆಸೆಯು ಜೀವಂತ
ಮಾನ ಕಳೆದು ದೇಹ ತಿಂದ ಮಂದಿಗೆ
ಶಿಕ್ಶೆಯಿಂದ ಮುಕ್ತಿಯೇ
                               ಯಾರಿಲ್ಲಿ ಸ್ಪಂದಿಸುವರು ನೋವಿಗೆ.|| 

................MALINI BHAT...............................