ಕನಸಿನ ನೆನಪಿಗಾಗಿ ಬಂದೆನು

ನೆನಪಿನ ಆಶಯಕಾಗಿ ಬಂದೆನು

ನನ್ನವರಿರುವರೆಂದು ಬಂದೆನು

ನೀನು ನನ್ನವನೆಂದುಕೊಂಡು ಬಂದೆನು.

 

 

ದೇವರೆಂಬ ಮಾಯೆ

 

 

ದೇವರಾರು ಎಂಬ ಗೊಂದಲ !

ಅಜ್ಞಾತವಾಗಿ ,

ಮನದಲ್ಲಿ ನಂಬಿಕೆಯ

ಬೀಜ ಮೊಳೆಯುತಿರುವಾಗ

ಅಲ್ಲಲ್ಲಿ ಕೆಲಪ್ರಶ್ನೆಗಳು

ಮಿಥ್ಯದ ತಡಿಕೆಯೇರಿ

ನಿಂತಿರುವ ನಿಷ್ಕ್ರೀಯ

ಮನಸುಗಳು !

ದೇವರಿರುವನೇ, ಇರುವನು 

ನಮ್ಮ - ನಿಮ್ಮ ನಡುವೆ 

ಸತ್ಯ ಎಂಬ  ಆತ್ಮದಲ್ಲಿ ,

ಇಂದು ಸತ್ಯವೇ

ಅಗಲುವ   ಸ್ಥಿತಿ ,

ಈಗಲೂ ದೇವರಿರುವನೇ?

ಇರುವನು, ಉಸಿರಿನಲಿ 

ಆ ಹೃದಯದ 

ಬಿಸಿಗಂಧದಲಿ 

ಒಮ್ಮೆಲೇ ,

ಏನು ಹೇಳುವುದೋ 

ತಿಳಿಯದು !

ಆದರೆ ಹೇಳಲೆಂದರೆ  

ದೇವನು ಅಣು - ಅಣುವಲ್ಲಿಯೂ   

ಇರುವನು .. ....

ಮತ್ತದೇ ಬೇಸರ

ಕಾಣದ ದುಗುಡ

ಹೇಳದ ವಿಷಯ

ಅರಿಯದ ಕಳವಳ

ಎಲ್ಲಕ್ಕೂ ಮೀರಿದ ಆ ವಿನೂತ ಭಾವ

ಅದು ಕೈಗೆಟುಕದ ಕುಸುಮ 

ಹೃದಯದ ಮಿಡಿತ ..

ಅಂತರಂಗದ ತುಡಿತ ..

ಸಂಬಂಧ

ಯಾರು ಇಟ್ಟರು ಈ ಹೆಸರು
ರಕ್ತ  - ರಕ್ತದ ಸಂಭಂಧ
ಅದೇಕೆ ಆಗಲಿಲ್ಲ ಭಾವನೆಗಳ ಬಂಧ
ನಿನಗಾಗಿ ನಾನು ನನ್ನತನವನ್ನೇ ತೊರೆದೆನು
ಉಸಿರಲ್ಲಿ ಉಸಿರಾಗಿ
ನಂಬಿಕೆಯಲಿ ವಾತ್ಸಲ್ಯ ತುಂಬಿ
ನಿನ್ನ ಕನಸಿಗೆ ಸಹಕರಿಸಿದೆನು
ನಿನಗೆ ನನ್ನಲ್ಲಿ ಪುಟ್ಟ ಪ್ರೀತಿಯಿರದೆ
ನನ್ನ ವ್ಯಕ್ತಿತ್ವವನ್ನೇ ಏಕೆ ನಾಶ ಮಾಡುವೆ
ನನ್ನ ಜೀವ ನನ್ನ ಭಾವನೆಗಳನ್ನು
ಏಕೆ ಕೊಲ್ಲುವೆ
ನನ್ನ ಅಪರಾಧವಾದರೂ ಏನು
ಹೇಳಿಬಿಡು ಮನದಲ್ಲಿ ಶಂಕೆಯ;
ಗೂಡುಕಟ್ಟಿ ನನ್ನ ನಾಶಮಾಡಬೇಡ ....

ಕಡಲು ಉಕ್ಕುತಿದೆ ನೋಡಲ್ಲಿ

ಬಾನಲ್ಲಿ ನಸುನಗುವ ಚಂದ್ರಮನು ,

ಒಮ್ಮೆ ಚಾಚಿರುವ ಕಾನನವ ನೋಡಲ್ಲಿ

ನಿನಗಾಗಿ ಚಪ್ಪರವ ಹಾಸಿದೆ 

                    ಬೆಳಕನ್ನು ತಾ ಚಂದ್ರಮ

ಮೋಡದ ಸಾಲಲ್ಲಿ ಅವಿತಿರುವೆ ಏಕೆ

ನಿನಗಾಗಿ ಕಾದಿರುವೆವು ನಾವಿಲ್ಲಿ

ನಗುಮುಖದಿ ಬಾ ಇಲ್ಲಿ 

ನಮಗಾಗಿ ಬಾ ಚಂದ್ರಮ

                    ಬೆಳಕನ್ನು ತಾ ಚಂದ್ರಮ

  

ಎಚ್ .ಐ. ವಿ . ವೈರಸ್ ಸಾಧನೆ

 

ಹಳೆದನ್ನ ಮರೆಯುತ್ತ ,

ಹೊಸದನ್ನ ಶೋಧಿಸಲು,

ಬಂದಿತು ಮಾಯಾಲೋಕದ

ದುಂಧುಬಿ  ಅದೇ ಎಚ್.ಐ.ವಿ ಎಂಬ ವೈರಸ್

ಅದರ ಲೋಕದಲಿ ಅದೇ ವಿಜ್ಞಾನಿ

ಹೊರಟಿತು ಗಂಭೀರದಿಂದ  

ಶೋಧನೆಯ ಗೂಡಿನೊಳಗೆ

ಎಲ್ಲದರಲೂ ಮಾಡಿತು ಸಂಶೋಧನೆಯ ಸುರಿಮಳೆ

ಎಲ್ಲವೂ ವಿಫಲ

ಕಣ್ಣಿರಿಡುತ್ತ   ಕುಳಿತಿತು

ತತ್ವಜ್ಞಾನಿಯಂತೆ

ಅಂತೂ ಅದರ ತಲೆಗೆ ಬಂದಿತು ಗಮ್ಮತ್ತಿನ ಐಡಿಯಾ!

ಅದರ ಆಯ್ಕೆ ಮಾನವನ ದೇಹ

ಪ್ರಯೋಗವೂ ಆಯಿತು

ಸಫಲತೆಯಲಿ ಪಡೆಯಿತು ಸಂಭ್ರಮವ

ಇನ್ನೇನು ಪ್ರಶಸ್ತಿಗಳ ಸರಮಾಲೆಯೇ

ಹರಿದು ಬರುವುದು ಎನ್ನುತಿರುವಾಗ

ಅದಕೊಂದು ನಿರಾಸೆಯ ವಾರ್ತೆ ಬಂದಿತು

ಅದಕೆ ಸಿಗಲಿಲ್ಲ ಗೌರವಾಭಿಮಾನ

ಸಿಕ್ಕಿತು ಪ್ರಶವ್ಸೆ - ಪ್ರಶಸ್ತಿಯುದ್ಗೋಷ 

ರೋಗ ಪತ್ತೆ ಹಚ್ಚಿದ ವಿಜ್ಞಾನಿಗೆ .. 

ಬಾಲ್ಯದ ನೆನಪು

 

ಬಾಲ್ಯದ ಕನಸು  ಸುಂದೆರ್ ನೆನಪು
ಮರೆಯದೆ   ಸುಳಿಯೋ ಮುಗ್ದತೆ ಕನಸು

ಯಾರಲೂ  ಕೇಳಲು ಆಗದ ಮಾತು

ಕೂತುಹಲ ಕೆರಳಿಸೋ ಹಿಂದಿನ ನೆನಪು

 

ಬಾಲ್ಯದ ಜೊತೆಯೇ ಸಾಗಿದೆ ಜೀವನ

ನಲಿವಿನ  ,ತಣ್ಣನೆ ಗೀತೆ

ಎಲ್ಲವೂ ನೆನಪಲಿ ಸಿಗದು

ಸ್ಪಷ್ಟತೆ ಸಿಗದು ನೆನಪಿನ ಬುತ್ತಿಗೆ...